Matthew 8
ದೆವಾಚಿ ಖರಿ ಕಬರ್ · Tap a verse to see its cross-references.
ಬರಾಜಾ಼ಲ್ಯಾಲಾ ಕುಶ್ಟ ರೊಗಿ
1ಯೇಸು ಕನ್ಯಾವ್ನಿ ಖಾಲ್ ಉತ್ರುನ್ ಆಲಾ. ತವಾ ಲೊಕ ಹಿಂಡಾಹಿಂಡಾನಿ ತ್ಯಚೆ ಮಾಗ್ನಿ ಗಿಲಿತ. 2ತವಾ ಯೊಕ್ ಕುಶ್ಟ ರೊಗಿ ಯೇಸುಪ ಆಲಾ. ತ್ಯೊ ಯೇಸುಚೆ ಮೊರ್ಹ ಆಡ್ವಾ ಪಡುನ್ “ಪ್ರಭು, ತು ಮನ್ ಕೆಲ್ಯಾವ ಮನಾ ಬರ ಕರ್ನಾರ್” ಮನ್ಲಾ.
3ಯೇಸುನಿ ಆಪ್ಲಾ ಹಾತ್ ಲಾವುನ್, “ತುಲ್ಲಾ ಬರಕರಾಯಾ ಮನಾ ಮನ್ ಹಾ, ಬರಾಹೊ” ಮನ್ಲಾ. ತವ್ವಾಸ್ ತ್ಯಚಾ಼ ಕುಶ್ಟ ರೊಗ್ ಗೆಲಾ. 4ಯೇಸುನಿ ತ್ಯಲಾ, “ಐಕ್ ಹ್ಯ ಕಸ ಜಾ಼ಲ ಮನ್ಹುನ್ ಕುನಾಲಾ ಸಾಂಗು ನಕೊಸ್. ಅತ್ತಾ ತು ಜಾ಼ವುನ್ ಯಾಜಕಾಲಾ ತುಜ಼ ಆಂಗ್ ದ್ಯಾವ್. ಬರಜಾ಼ಲ್ಯಾಲ್ಯಾಂಚಾನಿ ಮೊಶೇಚಾ ನೇಮಾ ಶಾರ್ಕ ದೆತ್ಯಾಲಿ ದಿನ್ಗಿ ದೇ. ತು ಬರಾ ಜ಼ಾಲ್ಯಾಲ್ಯಾಲಾ ತೀ ವಳಕ್ ವ್ಹವುನ್ ರಾನ್ಹಾರ್” ಮನ್ಹುನ್ ಸಾಂಗ್ಲ.
ಬರಾ ಜಾ಼ಲ್ಯಾಲಾ ಅಧಿಕಾರ್ಯಾಚಾ಼ ಚಾ಼ಕೊರ್
5ಯೇಸು ಕಪೆರ್ನೌಮ್ ಪೆಠತ್ ಗೆಲಾ. ತ್ಯೊ ಪೆಠತ್ ಗೆಲಾ ತವಾ ಶತಾದಿಪತಿ ಯೊಕ್ ಯವುನ್, 6“ಪ್ರಭು, ಮಾಜಾ಼ ಚಾ಼ಕೊರ್ ಪಾರ್ಶಿ ಮಾರುನ್ ಹಾತ್ರುನಾತ್ ಹಾ. ತ್ಯೊ ಖುಬ್ ದುಃಖಾನಿ ಕಳವಳ್ತ್ಯೊ” ಮನ್ಹುನ್ ಮಜ಼ತಿ ಸಾಟಿ ಮಾಗ್ತೊ.
7ಯೇಸುನಿ ತ್ಯಾ ಶತಾದಿಪತಿಲಾ, “ಮಿ ಯವುನ್ ತ್ಯಲಾ ಬರ ಕರ್ತೊ” ಮನ್ಲ್ಹಾ. 8ತವಾ ತ್ಯೊ ಶತಾದಿಪತಿ, “ಪ್ರಭು, ಮಾಜಾ ಗರ್ಹಾತ್ ತು ಯಯಿಶಾರ್ಕಾ ಮಿ ಮೊಟಾ ನವ್ಹ. ತ್ಯಲಾ ಬರ ವ್ಹವುನಿ ಮನ್ಹುನ್ ತು ಯೊಕ್ ಸಬ್ದ ಸಾಂಗ್ಲಾಸ್ ಪುರ ತ್ಯಲಾ ಬರ ವ್ಹನಾರ್. 9ಮೀಬೀ ದಿಸರ್ಯಾ ಯಕಾಚಾ ಹಾತಾಖಾಲ್ ಹಾ ಮಾಜಾ ಹಾತಾಚೆ ಖಾಲ್ ಸಿಪಾಯಿ ಹಾತ್ತ. ಮಿ ಯಕಾ ಸಿಪಾಯಿಲಾ ‘ಜಾ಼’ ಮನ್ಲೊತ ತ್ಯೊ ಜಾ಼ತೊ; ಆನಿ ಯಕಾಲಾ ‘ಯೇ’ ಮನ್ಲೊತ ತ್ಯೊ ಯತೊ. ಮಿ ಮಾಜಾ ಚಾ಼ಕ್ರಾಲಾ ಹ್ಯ ಕರ್ ಮನ್ಲೊತ ತ್ಯೊ ತಸಾ ಕರ್ತೊ. ” ಮನ್ಲ್ಹಾ.
10ಹ್ಯ ಐಕುನ್ ಯೇಸುಲಾ ಆಜಾಬ್ ವಾಟ್ಲ. ಯೇಸುನಿ ಆಪ್ಲಿ ಸಂಗ ಆಸ್ಲ್ಯಾಲ್ಯಾನಾ, “ಮಿ ಇಸ್ರಾಯಲಾತ್ ಬಿ ಯವ್ಡಾಸ್ ಇಸ್ವಾಸ್ ಆಸ್ನಾರ್ಯಾ ಮಾನ್ಸಾಲಾ ಬಗ್ಲಾ ನಾಹಿ ಮನ್ಹುನ್ ತುಮಾನಾ ಖರ್ಯಾನಿ ಸಾಂಗ್ತೊ ಮನ್ಲಾ. 11ಮಿ ತುಮಾನಾ ಸಾಂಗ್ತೊ. ಖುಬ್ ಲೊಕ ಉಗಾವ್ತೆ ಆನಿ ಮಾವಾಳ್ತೆ ಬಾಜೊ಼ಕ್ನಿ ಯತ್ಯಾತ. ತೀ ಸ್ವರ್ಗಾಚಾ ರಾಜಾತ್ ಅಬ್ರಹಾಮ್, ಇಸಾಕ್, ಯಾಕೊಬ್ ಹ್ಯಂಚಿ ಸಂಗ ಬಸುನ್ ಜೆವಾನ್ ಖಾತ್ಯಾತ. 12ದೆವಾಚಾ ರಾಜಾತ್ ಜಾ಼ನಾರ್ ಮಂಥ್ಯಾಲ್ಯಾನಾ ಬಾಹಿರ್ ಅಂದಾರಾತ್ ಟ್ಯಾಕ್ನಾರ್. ತಿಥ ರಡ್ನಾರ್ ಆನಿ ದಾತ್ ಖಾನಾರ್” ಮನ್ಲಾ. 13ಮಂಗ್ ಯೇಸುನಿ ತ್ಯಾ ಶತಾದಿಪತಿಲಾ, “ಗರ್ಹಾತ್ ಜಾ಼, ತು ಇಸ್ವಾಸ್ ಥೆವ್ಲ್ಯಾ ಶಾರ್ಕಾ ತುಜಾ ಚಾ಼ಕ್ರಾಲಾ ಬರ ವ್ಹನಾರ್” ಮನ್ಲಾ. ತವಾಸ್ ತ್ಯಚಾ ಚಾ಼ಕ್ರಾಲಾ ಬರ ಜಾ಼ಲ.
ಯೇಸುನಿ ಸಗ್ಳ್ಯಾನಾ ಬರಿ ಕೆಲ್ಯಾಲಿ
14ಯೇಸು ಪೇತ್ರಾಚಾ ಗರ್ಹಾತ್ ಗೆಲಾ. ತಿಥ ಪೇತ್ರಾಚಿ ಸಾಸೊ ಖುಬ್ ತಾಪಾನಿ ಹಾತ್ರುನಾತ್ ನಿಜ್ಲ್ಯಾಲಿ ಯೇಸುನಿ ಬಗ್ಲಿ. 15ಯೇಸುನಿ ತಿಚಾ ಹಾತಾಲಾ ಹಾತ್ ಲ್ಯಾವ್ಲಾ ತವಾ ತಿಚಾ಼ ತಾಪ್ ಸುಡುನ್ ಗೆಲಾ ತವಾ ತಿನಿ ವರ್ ಉಠುನ್ ತ್ಯಂಚಿ ಸೆವಾ ಕಿಲಿ.
16ತೀಸಿಸ್ ಶಾಂಚಿ ಲೊಕ ಬುಥ ದರ್ಲ್ಯಾಲ್ಯಾ ಖುಬ್ ಜ಼ನಾನಾ ಯೇಸುಪ ಆನ್ಲಿತ. ಯೇಸುನಿ ಬುಲಿನಿಸ್ ಬುಥ ತ್ಯಂಚಿಪ್ನಿ ಪಳಿವ್ಲಿತ ದುಖನ್ಕರ್ಯಾ ಲೊಕಾನಾ ಸಗ್ಳ್ಯಾ ಬರಿ ಕಿಲಿತ.
17“ತ್ಯನಿ ಆಮ್ಚಿ ದುಕ್ನಿ ಗಿತ್ಲಿತ, ಆಮ್ಚ಼ ರ್ವಾಗ್ ಉಚ್ಲು಼ನ್ ಗೇತ್ಲ” ಯೆಶಾಯ್ 53:4
ಹ್ಯ ಸಗ್ಳ ಪ್ರವಾದಿ ಯೆಶಾಯನಿ ಸಾಂಗ್ಲ್ಯಾಲ ಪುರ್ನ ವ್ಹಯಾ ಸಾಟಿ ಆಸ ಜಾ಼ಲ
ಯೇಸುಚ಼ ಶಿಶಾ ವ್ಹಯಾಚೆ ಗುಶ್ಟಿತ್
18ಯೇಸುನಿ ಆಪ್ಲೆ ಸರ್ಬೌತಿ ಆಸ್ನಾರ್ಯಾ ಲೊಕಾನಾ ಸಗ್ಳ್ಯಾ ಬಗುನ್ ಆಪ್ಲ್ಯಾ ಶಿಶಾನಾ ಸಮಿಂದೋರಾಚೆ ಪಲಿಕ್ಡ ಜಾ಼ಯಾಲಾ ಸಾಂಗ್ಲ. 19ತವಾ ದರ್ಮೊಪದೆಶಕ್ ಯೇಸುಪ ಯವುನ್, “ಸಿಕಿವ್ನ್ಯಾರ್ಯಾ, ತು ಕುಟಲ್ಯಾ ಜಾ಼ಗ್ಯಾವ ಗೆಲಾಸ್ ತರಿ ಮಿ ತುಜೆ ಮಾಗ್ನಿ ಯತೊ” ಮನ್ಲಾ.
20ಯೇಸುನಿ ತ್ಯಲಾ, “ಕೊಲ್ಯಾನಾ ಗಭಿ ಹಾತ್ತಾ, ಪಾಕ್ರಾನಾ ಕುಟಿ ಹಾತ್ತ. ಫನ್ ಮಾನ್ಸಾಚಾ ಲೇಕಾಲಾ ಡುಯಿ ಥೆವಾಯಾ ಜಾ಼ಗಾ ನಾಹಿ” ಮನ್ಲಾ.
21ಶಿಶಾತ್ಲಾ ಯಕ್ಲಾ ಯೇಸುಲಾ, “ಪ್ರಭು ಮನಾ ಆಂದಿ ಮಾಜಾ ಬಾಚೆ ಮಾತಿಲಾ ಜಾ಼ವುನ್ ಯಯಾ ಹುಕುಮ್ ದೆ” ಮನ್ಲಾ.
22ಫನ್ ಯೇಸು ತ್ಯಲಾ ಮೇಲ್ಯಾಲಿಸ್ ಮೆಲ್ಯಾಲ್ಯಾನಾ ಮಾತಿ ದಿವುಂತ. ಮಾಜೆ ಮಾಗ್ನಿ ಯೆ” ಮನ್ಹುನ್ ಸಾಂಗ್ಲ.
ಯೇಸುಚಾ ಹುಕ್ಮಾಲಾ ವಾರಮ್ಯೊಡ್ ಥಾಂಬ್ಲಿ
23ಯೇಸು ವ್ಹಡಿತ್ ಗೆಲಾ. ತವಾ ತ್ಯಚ಼ ಶಿಶಾ ತ್ಯಚಿ ಸಂಗ ಗೆಲ. 24ವ್ಹಡಿ ದರ್ ಸುಡುನ್ ಗೀಲಿ ತವಾ ಯಗ್ದಮ್ ಮುಟಿ ವಾವ್ಡಳ್ ಸಮಿಂದೊರಾತ್ ಆಲಿ. ಲ್ವಾಟಾಂಚಾನಿ ವ್ಹಡಿಲಾ ಜಾ಼ಕುನ್ ಗಿತ್ಲಿ. ಫನ್ ಯೇಸು ವ್ಹಡಿತುಸ್ ನಿಜ್ಲಾ಼ ಹುತ್ತಾ. 25ಯೇಸುಚ಼ ಶಿಶಾ ತ್ಯಚಿಪ ಯವುನ್ ತ್ಯಲಾ ಉಠ್ವುನ್, “ಪ್ರಭು ಆಮಾನಾ ಉರಿವ್! ಆಮಿ ಬುಡ್ತ್ಯಾವ್!” ಮನ್ಲ.
26ಯೇಸುನಿ, “ತುಮಿ ಬಿತ್ತಾಸಾ ಕಾ? ತುಮ್ಚಿಪ ಪಾಯ್ಜೆ ತ್ಯವ್ಡಾ ಇಸ್ವಾಸ್ ನಾಹಿ” ಮನ್ಹುನ್ ಉತ್ತರ್ ದಿಲಾ ಉಠುನ್ ಉಬಾ ರಾಹುನ್ ತೇ ಮೊಟೆ ವಾರ ಮುಡಿಲಾ ಲಾಟಾನಾ ದಪ್ಕ್ಯಾವ್ಲ. ತವಾ ತ್ಯ ಸಗ್ಳ ಶಾಂತ್ ಜಾ಼ಲ.
27“ತ್ಯೊ ಕಸ್ಲಾ ಮಾನುಸ್? ವಾರಮ್ಯೊಡ್ ಆನಿ ಪಾನಿ ಹ್ಯಚಾ಼ ಸಬ್ದ ಐಕ್ತ್ಯಾತ ನವ್ಹ” ಆಸಿ ಲೊಕ ಮನ್ಲಿತ.
ಯೇಸುನಿ ಬುಥ ದರ್ಲ್ಯಾಲ್ಯಾ ದೊಗಾನಾ ಬರ ಕೆಲ್ಯಾಲ
28ಯೇಸು ಸಮಿಂದೊರಾಚೆ ಗದರೇನ್ ಸಿಮತ್ ಆಲಾ. ತವಾ ತಿಥ ಬುಥ ಲಾಗ್ಲ್ಯಾಲ ದೊಗ ಯೇಸುಪ ಆಲ. ತೇ ಮಸುರ್ಡಿತ್ನಿ ರಾಹಿತ ಆನಿ ಖುಬ್ ಗಾತ್ಕಿ ಜಾ಼ಲ್ಥ. ಮನ್ಹುನ್ ಲೊಕ ತೇ ವಾಟನಿ ಜಾ಼ಯಿತ್ನವ್ಥಿತ. 29ತೇ ದೊಗ ಯೇಸುಪ ಯವುನ್. “ತು ಆಮಾನಾ ಕ್ಯಾ ಕರಾಯಾ ವ್ಹಯಿ ಮಂಥೊಸ್? ದೇವಾಚಾ ಲೇಕಾ, ದಿಲ್ಯಾಲ್ಯಾ ಯಳಾಚೆ ಆಂದಿ ಆಮಾನಾ ಶಿಕ್ಷಾ ದಿಯಾ ಹಿತ್ತ ಆಲಾಸ್ ಕ್ಯಾ? ಮನ್ಹುನ್ ತವಾಸ್ ಜೊ಼ರಾನಿ ವರಾಡ್ಲ.
30ತ್ಯಾ ಜಾ಼ಗ್ಯಾಚೆ ಜ಼ವಳ್ ಡುಕ್ರಾಂಚಾ಼ ಮೊಟಾ ಹಿಂಡ್ ಚ಼ರತಾ. 31ತ್ಯಾ ಬುಥಾಂಚಾನಿ, “ಆಮಿ ಹ್ಯಾ ದೊಗಾನಾಬಿ ಸುಡುನ್ ಜಾ಼ಯಾ ವ್ಹಯಿ ಮನ್ಲಾಸ್ತ, ದಯಾ ಥಿವುನ್ ಆಮಾನಾ ತ್ಯಾ ಡುಕ್ರಾತ್ನಿ ಲಾವುನ್ದೇ” ಮನ್ಹುನ್ ಇನಂತಿ ಕಿಲಿ.
32ಯೇಸು ತ್ಯನಾ, “ಜಾ಼ವಾ” ಮನ್ಲಾ. ತವಾ ತೀ ಬುಥ ತ್ಯನಾ ದೊಗಾನಾ ಸುಡುನ್ ಡುಕ್ರಾತ್ನಿ ಗಿಲಿತ. ತವಾಸ್ ಡುಕ್ರ ಸಗ್ಳಿ ಗುಢ್ಯಾವ್ನಿ ಖಾಲ್ ಪಳತ್ ಯವುನ್ ಸಮಿಂದೊರಾತ್ ಬುಡಾಲಿತ.
33ಡುಕ್ರ ಚಾರತ್ಯಾಲ ಪೆಠತ್ ಪಳತ್ ಜಾ಼ವುನ್ ಭುಥ ಲಾಗ್ಲ್ಯಾಲ್ಯಾಂಚೆ ಸಂಗ ಜಾ಼ಲ್ಯಾಲ ಲೊಕಾನಾ ಸಾಂಗ್ಲ. 34ತವಾ ತೆ ಸಿಮತ್ಲಿ ಲೊಕ ಸಗ್ಳಿ ಯೇಸುಲಾ ಬಗಾಯಾ ಆಲಿತ, ಆನಿ ತ್ಯಲಾ ಬಗುನ್ ಆಪ್ಲಿ ಸಿಮಾ ಸುಡುನ್ ಜಾ಼ ಮನ್ಹುನ್ ಸಾಂಗ್ಲ.

Did you know?
Healings, faith, and the sea
- Capernaum, which Jesus enters in this chapter, was a Galilean city not named in the Old Testament. Easton's Bible Dictionary (1897) says it became his “own city” after he left Nazareth, and it lists the centurion’s appeal and the healing at Peter’s house among the events set there.Sources: Capernaum · the Bible text itself
- Jesus says that many will come from east and west to share the banquet with Abraham, Isaac, and Jacob in the kingdom of heaven. Easton's Bible Dictionary (1897) calls Abraham the son of Terah and heir of the promises, Isaac Abraham’s only son by Sarah, and Jacob—also known as Israel—the younger twin son of Isaac and Rebekah.Sources: the Bible text itself · Abraham · Isaac · Jacob (Israel)
- Matthew presents that evening’s healings as fulfilling words spoken through the prophet Isaiah: “He took on our infirmities and carried our diseases.” Easton's Bible Dictionary (1897) identifies Isaiah as the son of Amoz, who prophesied in the reigns of Uzziah, Jotham, Ahaz, and Hezekiah.Sources: the Bible text itself · Isaiah
Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.
Places in this chapter
- Gadara · Today: Umm Qais · 32.656, 35.679 · verse 28
Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).
Credits and license for this translation
ದೆವಾಚಿ ಖರಿ ಕಬರ್ The New Testament in the Gowlilanguage of India, Devanagari script. ದೆವಾಚಿ ಖರಿ ಕಬರ್ (Bible) copyright © 2023 The Word for the World International and Gowly Marathi Translation Samti, Karnataka Language: (Gowli) Contributor: The Word for the World International ದೆವಾಚಿ ಖರಿ ಕಬರ್ ನವಾ ಕರಾರ್, 2023 The New Testament in Gowli Marathi Language The Word for the World International This translation is made available to you under the terms of the Creative Commons Attribution Share-Alike license 4.0. You have permission to share and redistribute this Bible translation in any format and to make reasonable revisions and adaptations of this translation, provided that: You include the above copyright and source information. If you make any changes to the text, you must indicate that you did so in a way that makes it clear that the original licensor is not necessarily endorsing your changes. If you redistribute this text, you must distribute your contributions under the same license as the original. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. Note that in addition to the rules above, revising and adapting God's Word involves a great responsibility to be true to God's Word. See Revelation 22:18-19. 2025-05-03
Source: http://ebible.org/gok/ · eBible.org