Nations Bible

Matthew 11

Eyacuiñajjija Esohui · Tap a verse to see its cross-references.

Huaniya Jesosa que huoojea canaje o shajjaꞌajjajji cuana

1Majoya Jesosaa ojaya ome miji becanejjijji peaꞌai, 12 eshajjaꞌajjajji cuana huasijje esohui huohui majje pea cuiñajji quea chipi nee yasijje poquinaje esohui huohuiya.

2Yahuajo pea dejja cuaa Huani iña ca poa, ma ona besameejji poa. Dejja maseja equi ejjajeanobiaquijji yasijje jeanobiajea ca poa, emeꞌ jeyoꞌyo. Ejeanobiajaaa Huaniya shajjaꞌajja canaje onaja ehuohuiꞌyo Jesosajo. Jamajjeya o shajjaꞌajjajji cuana huoojea canaje Jesosa que. 3Oya cuana Jesosa huohuiꞌajjaña meequi canaje jama baꞌa: —Jesosa, yahuajo Huaniya huohui canaje jama baꞌa: “Eyacuiñajjiya Emeshi Mese nei ojjaña jaahuanajji huoojea cajeꞌyo ecuana huasijje”. ¿Aꞌa miya ma Emeshi Mese nei? Eꞌe pojjaꞌa ecuaa pea ishoaje. ¡Jamajjeya huohuicue miyaya! ¿Yajja shai ecuaa Huani ajeꞌyo soꞌo? —Huanija eshajjaꞌajjajji cuana poanaje.

4Jesosaa oya cuana sajaꞌa canaje: —¡Poqui oꞌoyacue Huani que! ¡Ecuea esohui miquianaaya shajjaꞌajjaña, jiquio miya eya banajeya peaꞌai oe Huani huohuiquicue! Jama acue baꞌa: 5“Huani, Jesosaa cojjamaꞌ cuana quea cojja jaꞌa po mee caꞌyani. Jiojjijjajja jeo mee caꞌyani. Dejja batata epoꞌyo cuana jjajeaqui mee caꞌyani. Shajjaqueba peaꞌai quea shajja jaꞌa po mee caꞌyani. Emanoꞌyo cuana shequi mee caꞌyani peaꞌai. Esohui quea pame nee huohui caꞌyani ojjaña dejja quea yeno huasijje”. 6Eꞌe, eya Eyacuiñajjija huoojeaꞌyo ojjaña jaahuanajji. Quea bihui nee capoꞌyahua ojjaña joya ejo jjashahuabaquiani jama baꞌa: “Eꞌe jojo nei Jesosa Eyacuiñajjija huoojeaꞌyo ojjaña jaahuanajji”. ¡Aꞌa jjashahuaba quehuaquijji! —Jesosa poanaje.

7Jamajjeya Huanija epeejji cuana poqui oꞌoyanaje Huani que. Majoya poquiꞌyajo Jesosa miminaje pea cuana nijje: —Yahuajo Huani meshi jabojo, quimajo aninaje. Miquianaya o que poquinaje. ¿Ae shai banaje miyaya? ¿Ae jjashahuabaquinaje Huanijo? ¿Aꞌa jjashahuabaquinaje Huani esohui huohuijji quea jaꞌa pojjeama? Chojja. 8Miquianaya Huani que poquinaje ¿ae baa? ¿Aꞌa dejjaja daqui quea nahue nee ehuosho baꞌe banaje? Chojja. Dejjaa daqui quea nahue nee huosho cani equi quea quemojo baꞌeya. 9¿Achajja Huani baꞌya poa? ¿Aꞌa miya jjashahuabaquinaje Huani Eyacuiñajjija esohui huohuijji nei nei? Eꞌe, de. Jamatii Eyacuiñajjija esohui huohuijjiya ba cani oe pojji. Huanija eba quea huiso nee. 10Yahuajo nei Eyacuiñajjija esohui etehueꞌyo Huanijo jama poa baꞌa:

“Jiquio dejja ecuea esohui huohuijji nei poani. Jamaya eya sa poani. Eyaya oya huoojeaje ebionei, mi hui dojojji. Ohuaya dejja cuana huasijje huohui caje miquea epoejjijo”.

Jamaya yahuajo nei nei Eyacuiñajjiya ojjaña ba mee ca poa Huaniya poe majje ejo jjabahuejjaqui mee caje cuana. 11Ecuea pea esohui aꞌa pajeaꞌyojji jama baꞌa: Ojjaña pea cuana quea pame. Huani ma ona besameejji poa quea pame nee nee. Jjeya pea chamaꞌ Huani jayojja jama. Jamatii quijje eya Emeshi Mese nei poaje, ojjaña ecuea epeejji cuana Huani jayojja jama poajeꞌyo, quea pame nee nee. 12Eya poeyanajejo Huaniya ojjaña pojjajo ejo huohui canaje jama baꞌa: “Jjeya nei Emeshi Mese nei Quito poeje”. Jamatii dejja mase cuaa Huani napa cani ojjaña pojjajo. Eya, Emeshi Mese nei jeabichajea sa acani cuaa peaꞌai. Oya cuana emeshi mese jayojja jama huohui sa poani —Jesosa poanaje.

13—Yahuajo nei Eyacuiñajjija esohui huohuijji cuaa huohui ca poa, Moisesija esohui etehueꞌyojo jama poa peaꞌai baꞌa: “Quijje Eyacuiñajjija huoojeaꞌyo ojjaña jaahuanajji Emeshi Mese oe nei poeje”. Jamaya Huani miminaje. Jamaya pea cuana miminaje Huani poe jjimahuajo peaꞌai. 14Eꞌe, yahuajo nei Eyacuiñajjija esohui huohuijjiya tehue ca poa jama baꞌa:

“Ecuea ehuoojeaꞌyo ojjaña jaahuanajji poe jjimahuajo, eyaya Enia huoojeaje ebionei, ehui dojojji”.

—Huaniya Enia jayojja jama huohui canaje, ma Eyacuiñajjija esohui huohuijji yahuajo nei nequia poa jama. 15Jamajjeya ¡bacue; aꞌa shajjamaꞌ pojji, ca miquiana ba sa poanijo! 16Ojjaña cuana jjeya nei baꞌe ecuea eba. Oya cuana eshoꞌiquiana quebanei poani jayojja jama. Quebanei poanijo jama poani: Eshoꞌi cuaa pea eshoꞌi taaa cani. 17Jjamimihueꞌequiani jama baꞌa: “Ecuaa dehue miaña epona ejjahueaquijjijo jama. Jamatii miquianaya majamaja ajja. Peaꞌai e pa nishoanijo, emanoꞌyojo paꞌani jayojjayajo, miquianaya pa nisho ajja. Jamajjeya miquianaya quebanei po ajja ecuana nijje” poani eshoꞌiquiana —Jesosa poanaje—. Jamaya miquianaya jjeya poani, de. 18Eꞌe, yahuajo pishana Huani poeyanaje. Eyacuiñajji nijje mimi tiitiianijo bobi ijjiaꞌijjia ajja. Ecahuishi ishi jjima peaꞌai. Jamajjeya ojjaña cuaa huohui canaje ojo jama baꞌa: “Huani jja ca niñepoqui jama”. 19Eya ojjaña cuanaja Edoe Mese poeyanaje. Eya ca jja ca ijjiaꞌijjiani; ojjaña nijje mimimimiani. Jamajjeya miquianaya ejo siajje poani jama baꞌa: “¡Bacue jiquio dejja Jesosa! Oya jejje ajja tii. Dejja mimishi nijje jjapeequiani, bejjo chichajji cuana nijje peaꞌai, de”. Jiquio ecua eshoꞌiquiana pea nijje jjapeequi sa po ajja jama jayojja miquianaya ecuana nijje jjapeequi sa po ajja. Miquianaya jjashahuaba quehuaquiani Huanijo, ejo peaꞌai. Jamatii ecuanaa Eyacuiñajjija ejjashahuabaquijjijo quea jaꞌa nee jayojja jama añajo ecuanaa quea pame nee aña —Jesosa poanaje.

Beca cuiñajjijo baꞌe cuana shajjamaꞌ poanaje

20Quea huiso cuiñajjijo Jesosaa ma dejja cuaa ajjima acani ahuichaꞌa huichaꞌa canaje. Jamatii quea huiso cuana mimishi pajea sa poꞌyo ajja. Jamajjeya Jesosaa oya cuana tecuea canaje. 21Jama poanaje baꞌa: —Miquianaya quea mimishi nee nee. ¡Quea yeno nee nee miquianaya poaje Conasijo baꞌe, Betesainajo baꞌe peaꞌai! Ma dejjaa ajjima acani eyaya ahuichaꞌa huichaꞌanaje miquianaja cuiñajji cuanajo miquea ebajji nisho. Yahuajo nei nei pea dejja cuana Tinojo, Sinonojo peaꞌai baꞌeja ojaya ba jjima eyaya ma dejja cuaa ajjima aña. Eba jojjemo oya cuanaa mimishi cuana pajea caꞌyo queaye mimishijo quea yeno po majje. 22¡Bacue oe! Quijje Eyacuiñajjiya ojjaña cuana sosequia cajeꞌyo ojaya ebaꞌeꞌyojji sosejji. Ohuaya yahuajo nei nei Tinojo baꞌe cuana, Sinonojo baꞌe cuana peaꞌai quea nee po mee cajeꞌyo mimishijo. Miquianaya Conasijo baꞌe, Betesainajo baꞌe peaꞌai ca ca quea nee nee po mee cajeꞌyo ecuea esohui miquiaaya mi shajjaꞌajjajo. 23Miquianaya Capenaomajo baꞌe quea pame poso jjabaquiani, jjashahuabaquiani jama baꞌa: “Ecuana quea pame nee nee; pea meshijo baꞌe cuana quea pame pishana”. Chojja, de. Siajje miya poani. Quijje Eyacuiñajjiya janobajjima nei napa cajje miquianaya quea yeno poaje. Eyaya ma dejjaa ajjima acani aña miquianajaya cuiñajjijo quea huiso. Jamatii miquea mimishi cuana pajea sa poꞌyo ajja. Yahuajo nei nei pea cuiñajji Sodoma bajjani yania poa. Eyacuiñajjiya ma dejjaja ba jjima acani eba jojjemo oya cuana quiyo jeyojeyoꞌyo jjima poqueaye. Jamatii jjeya Sodoma chamaꞌyo tii. 24¡Bacue oe! Quijje aje Eyacuiñajjiya ojjaña cuana sosequia cajeꞌyo ma ecua oya po nequia poa jama. Ma pojjajo ohuaya dejja cuana yahuajo nei Sodomajo baꞌe quea nee po mee cajeꞌyo quea mimishijo. Miquianaya Capenaomajo baꞌe ca ca quea nee nee po mee cajeꞌyo ecuea esohui miquiaaya mi shajjaꞌajjajo —Jesosa poanaje.

Jesosa Quitohua eseya jomishoca mee caje

25Jamaya dejja cuana tecuea majje Jesosa eseja Chii ai nijje miminaje jama baꞌa: —Ecuea Chii, miya eyajo Emeshi Mese nei poani. Ojjaña meshi cuana miquea poani peaꞌai. Eyaya miya bihuiaña. Eꞌe, beca cuana jjashahuabaquiani jama baꞌa: “Ecuea eba quea huiso esohui, quea huiso aquiana peaꞌai”. Jamajjeya miyaya oya cuana ba meesahua ajja. Jamajjeya oya cuanaja ba jjima eya Emeshi Mese oe nei poani. Pea cuana eshoꞌi cuana jama ca ca miyaya jjashahuabaqui meesahuaña quea jaꞌa nee eya Emeshi Mese nei poani. Jamajjeya eyaya miya bihuiaña. 26Eꞌe ecue Chii, jamaya miyaya aña miquea ejjashahuabaquijji. Apoa —jamaya Jesosa miminaje eseja Chii ai nijje.

27Majoya Jesosa jama poanaje baꞌa: —Eyacuiñajji ecue Chii e huoojeajji epo. Eya ojaya esohui huohuijji poani. Ecue Chiija eyajo anija ecuea ejjashahuabaquijji ojaya eba nei nei, ojaye nei. Ecue Chiija ejjashahuabaquijji ecuea eba nei nei peaꞌai, ecuee nei. Eyaya ecuea epeejji ba meesahuaña quea jaꞌa nee ecue Chiija ejjashahuabaquijji —Jesosa poanaje.

28—¡Enijje jjapeequicue quea bei! Mique mimishi cuanajo miya quea yeno. Miquea echaco quea camajajo miya quea yeno poani peaꞌai. ¡Enijje jjapeequicue! Eyaya miya jomishoca meejeꞌyo camajaꞌama ebaꞌeꞌyojji. 29Eyaya quiana ca ca oe miquianaya jama pojjeamaa jjejojo quea jea aña; tecueꞌama; quea bei peaꞌai. Ecuea epeejji po majje miquianaya quea bei poajeꞌyo. Baꞌe tiitii meejeꞌyo enijje eyajo peaꞌai. Jamajjeya ¡ecuea esohui jayojja jama acue! ¡Jjashajjaꞌajjaquicue quea jaꞌa nee ecuea esohuijo! 30Camajaꞌama ecuea esohui jama ebaꞌeꞌyojji. Ecuea esohui aquiana pejapeja eꞌabojji jayojja poani —Jesosa poanaje.

Artistic illustration — an interpretation, not a historical record.

Did you know?

John's question and the cities that did not repent

  • From prison, John sent his disciples to ask whether Jesus was the one who was to come. Jesus told the crowds that John was more than a prophet—the messenger sent ahead to prepare the way—and, if they were willing to accept it, the Elijah who was to come. A Bible dictionary calls John the forerunner and says his mission was already the subject of prophecy, citing Isaiah 40:3 and Malachi 3:1; it also introduces Elijah as the Elias of the New Testament.Sources: the Bible text itself · John the Baptist · Elijah
  • Jesus then denounced Chorazin, Bethsaida, and Capernaum, where most of his miracles had been performed, because they did not repent. A dictionary identifies Chorazin with modern Kerazeh, about two and a half miles up the Wady Kerazeh from Capernaum, and says that Capernaum, absent from the Old Testament, became Jesus' own city after he left Nazareth. It places Bethsaida on the east side of the lake, two miles up the Jordan in Gaulonitis, enlarged by Philip the tetrarch and named Julias after the emperor's daughter, though some have supposed there was only one Bethsaida, near where the Jordan enters the lake.Sources: the Bible text itself · Chorazin · Capernaum · Bethsaida
  • He set those cities against Tyre and Sidon, which he said would have repented long ago in sackcloth and ashes, and against Sodom, which he said would have remained to this day. Sidon, on the Mediterranean coast about twenty-five miles north of Tyre, was the oldest Phoenician city there and the mother city of Tyre. A dictionary says the commerce of the whole world was gathered into Tyre's warehouses, and that Sodom, in the vale of Siddim, was destroyed by fire from heaven so completely that no trace of it has been found.Sources: the Bible text itself · Sidon · Tyre · Sodom

Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.

Places in this chapter

  • Galilee · 32.760, 35.527 · verse 1
  • Sidon · Today: Sandikli archaeological site in Sidon · 33.561, 35.372 · verses 21, 22
  • Tyre · 33.271, 35.196 · verses 21, 22

Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).

Credits and license for this translation
Eyacuiñajjija Esohui
New Testament in Ese Ejja (BL:ese:Ese Ejja)
copyright © 2012 Wycliffe Bible Translators, Inc.
Language: Ese Ejja
Translation by: Wycliffe Bible Translators, Inc.
Ese Ejja [ese], Bolivia
Copyright Information
© 2012, Wycliffe Bible Translators, Inc. All rights reserved.
This translation text is made available to you under the
terms of the Creative Commons License: Attribution-Noncommercial-No Derivative Works.
( http://creativecommons.org/licenses/by-nc-nd/3.0/ )
In addition, you have permission to port the text to different file formats, as long as you
do not change any of the text or punctuation of the Bible.
You may share, copy, distribute, transmit, and extract portions
or quotations from this work, provided that you include the above copyright
information:
You must give Attribution to the work.
You do not sell this work for a profit.
You do not make any derivative works that change any of the actual words or punctuation of the Scriptures.
Permissions beyond the scope of this license may be
available if you contact
us with your request.
The New Testament
in Ese Ejja
© 2012, Wycliffe Bible Translators, Inc. All rights reserved.
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2014-04-23

Source: http://ebible.org/eseNT/ · eBible.org

Talk to us

Tell us where you read from, how the Bible has helped you, or what we could improve. We read every message.