Nations Bible

Matthew 7

Wycliffe Bible · Tap a verse to see its cross-references.

AI-generated narration · text: Wycliffe Bible (public domain)

Judging Others

1Nile ye deme, `that ye be not demed; for in what doom ye demen, 2ye schulen be demed, and in what mesure ye meten, it schal be meten ayen to you. 3But what seest thou a litil mote in the iye of thi brother, and seest not a beem in thin owne iye? 4Or hou seist thou to thi brothir, Brothir, suffre I schal do out a mote fro thin iye, and lo! a beem is in thin owne iye? 5Ipocrite, `do thou out first the beem of thin iye, and thanne thou schalt se to do out the mote of the iye of thi brothir. 6Nile ye yyue hooli thing to houndis, nethir caste ye youre margaritis bifore swyne, lest perauenture thei defoulen hem with her feet, and the houndis be turned, and al to-tere you.

Ask, Seek, Knock

7Axe ye, and it schal be youun to you; seke ye, and ye schulen fynde; knocke ye, and it schal be openyd to you. 8For ech that axith, takith; and he that sekith, fyndith; and it schal be openyd to hym, that knockith. 9What man of you is, that if his sone axe hym breed, whethir he wole take hym a stoon? 10Or if he axe fische, whether he wole take hym an edder? 11Therfor if ye, whanne ye ben yuele men, kunnen yyue good yiftis to youre sones, hou myche more youre fadir that is in heuenes schal yyue good thingis to men that axen hym? 12Therfor alle thingis, what euere thingis ye wolen that men do to you, do ye to hem, for this is the lawe and the prophetis.

The Narrow Gate

13Entre ye bi the streyt yate; for the yate that ledith to perdicioun is large, and the weie is broode, and there ben many that entren bi it. 14Hou streit is the yate, and narwy the weye, that ledith to lijf, and ther ben fewe that fynden it.

A Tree and Its Fruit

15Be ye war of fals prophetis, that comen to you in clothingis of scheep, but withynneforth thei ben as wolues of raueyn; 16of her fruytis ye schulen knowe hem. Whether men gaderen grapis of thornes, or figus of breris? 17So euery good tre makith good fruytis; but an yuel tre makith yuel fruytis. 18A good tre may not make yuel fruytis, nethir an yuel tre make good fruytis. 19Euery tre that makith not good fruyt, schal be kyt doun, and schal be cast in to the fier. 20Therfor of her fruytis ye schulen knowe hem. 21Not ech man that seith to me, Lord, Lord, schal entre in to the kyngdom of heuenes; but he that doith the wille of my fadir that is in heuenes, he schal entre in to the kyngdoom of heuenes. 22Many schulen seie to me in that dai, Lord, Lord, whether we han not prophesied in thi name, and han caste out feendis in thi name, and han doon many vertues in thi name? 23And thanne Y schal knouleche to hem, That Y knewe you neuere; departe awei fro me, ye that worchen wickidnesse.

The House on the Rock

24Therfor ech man that herith these my wordis, and doith hem, schal be maad lijk to a wise man, that hath bildid his hous on a stoon. 25And reyn felde doun, and flodis camen, and wyndis blewen, and russchiden `in to that hous; and it felde not doun, for it was foundun on a stoon. 26And euery man that herith these my wordis, and doith hem not, is lijk to a fool, that hath bildid his hous on grauel. 27And reyn cam doun, and floodis camen, and wyndis blewen, and thei hurliden ayen that hous; and it felde doun, and the fallyng doun therof was greet.

The Authority of Jesus

28And it was doon, whanne Jhesus hadde endid these wordis, the puple wondride on his techyng; 29for he tauyte hem, as he that hadde power, and not as the scribis `of hem, and the Farisees.

Artistic illustration — an interpretation, not a historical record.

Did you know?

Judgment, the narrow way, and a firm foundation

  • The event record dates the start of the Sermon on the Mount to AD 28 and its duration to one day. This chapter ends as the crowds are astonished at Jesus’ teaching, because he taught as one who had authority, and not as their scribes.Sources: Sermon on the Mount · the Bible text itself
  • Jesus warns that the judgment a person pronounces, and the measure that person uses, will be turned back on them. He pictures someone who notices a speck in a brother’s eye yet misses a beam in their own, and he says the beam must be removed first.Sources: the Bible text itself
  • The chapter calls doing to others as you would have them do to you the essence of the Law and the Prophets. It contrasts a wide gate and broad way that leads to destruction, which many enter, with a small gate and narrow way that leads to life, which few find, and it compares hearing these words and acting on them to a house built on rock rather than on sand.Sources: the Bible text itself

Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.

Credits and license for this translation
Wycliffe Bible
This is the Pentateuch and Gospels from The Holy Bible, containing the Old and New Testaments, with the apocryphal books, in the earliest English version made from the latin Vulgate by John Wycliffe and his followers. c.1395
Public Domain
Language: Middle English (English)
Dialect: Middle
Translation by: John Wycliffe
2016-11-08

Section headings adapted from the Berean Standard Bible (public domain); they are not part of this translation’s text.

Source: http://ebible.org/engWycliffe/ · eBible.org

Talk to us

Tell us where you read from, how the Bible has helped you, or what we could improve. We read every message.