Deuteronomy 33
Wycliffe Bible · Tap a verse to see its cross-references.
Moses Blesses the Twelve Tribes
1This is the blessing, bi which Moises, the man of God, blesside the sones of Israel bifor his deeth; 2and seide, The Lord cam fro Syna, and he roos to us fro Seir; he apperide fro the hil of Pharan, and thousandis of seyntis with hym; a lawe of fier in his riythond. 3He louede puplis; alle seyntis ben in his hond, and thei that neiyen to hise feet schulen take of his doctryn. 4Moisis comaundide lawe `to vs, eritage of the multitude of Jacob. 5And the king schal be at the moost riytful, whanne princes of the puple schulen be gaderid togidere with the lynagis of Israel. 6Ruben lyue, and die not, and be he litil in noumbre. 7This is the blessyng of Juda; Lord, here thou the vois of Juda, and brynge in hym to his puple; hise hondis schulen fiyte for hym, and the helpere of hym schal be ayens hise aduersaries. 8Also he seide to Leuy, Thi perfeccioun and thi techyng is of an hooly man, whom thou preuedist in temptacioun, and demedist at the Watris of Ayenseiynge; 9which Leuy seide to his fadir and to his modir, Y knowe not you, and to hise britheren, Y knowe not hem; and knewen not her sones. These kepten thi speche, and these kepten thi couenaunt; A! 10Jacob, thei kepten thi domes, and `thou, Israel, thei kepten thi lawe; thei schulen putte encense in thi strong veniaunce, and brent sacrifice on thin auter. 11Lord, blesse thou the strengthe of hym, and resseyue thou the werkis of his hondis; smyte thou the backis of hise enemyes, and thei that haten hym, rise not. 12And he seide to Benjamyn, The moost loued of the Lord schal dwelle tristili in hym, `that is, in the Lord; he schal dwelle al day as in a chaumbur, and he schal reste bitwixe the schuldris of hym. 13Also he seide to Joseph, `His lond is of the Lordis blessyng; of the applis of heuene, and of the dewe, and of watir liggynge bynethe; 14of the applis of fruytis of the sunne and moone; of the coppe of elde munteyns, 15and of the applis of euerlastynge litle hillis; 16and of the fruytis of the lond, and of the fulnesse therof. The blessyng of hym that apperide in the busch come on the heed of Joseph, and on the cop of Nazarey, `that is, hooli, among hise britheren. 17As the first gendrid of a bole is the feirnesse of hym; the hornes of an vnicorn ben the hornes of hym; in tho he schal wyndewe folkis, `til to the termes of erthe. These ben the multitudis of Effraym, and these ben the thousyndis of Manasses. 18And he seide to Zabulon, Zabulon, be thou glad in thi goyng out, and, Ysacar, in thi tabernaclis. 19Thei schulen clepe puplis to the hil, there thei schulen offre sacrifices of riytfulnesse; whiche schulen souke the flowing of the see as mylk, and hid tresours of grauel. 20And he seide to Gad, Gad is blessid in broodnesse; he restide as a lioun, and he took the arm and the nol. 21And he siy his prinshed, that `the techere was kept in his part; which Gad was with the princes of the puple, and dide the riytfulnesses of the Lord, and his doom with Israel. 22Also he seide to Dan, Dan, a whelp of a lioun, schal flowe largeli fro Basan. 23And he seide to Neptalym, Neptalym schal vse abundaunce, and he schal be ful with blessyngis of the Lord; and he schal welde the see and the south. 24Also he seide to Aser, Aser, be blessid in sones, and plese he hise britheren; dippe he his foot in oile. 25Yrun and bras the scho of hym; as the dai of thi youthe so and thin eelde. 26Noon other god is as the God of the moost riytful, that is, `as the God `of the puple of Israel, gouerned bi moost riytful lawe; the stiere of heuene is thin helpere; cloudis rennen aboute bi the glorie of hym. 27His dwellynge place is aboue, and armes euerlastynge ben bynethe; he schal caste out fro thi face the enemy, and he schal seie, Be thou al to-brokun. 28Israel schal dwelle trustili and aloone; the iye of Jacob in the lond of whete, and of wyn; and heuenes schulen be derk with dew. 29Blessed art thou, Israel; thou puple that art saued in the Lord, who is lijk thee? The scheld of thin help and the swerd of thi glorie is thi God; thin enemyes schulen denye thee, and thou schalt trede her neckis.

Did you know?
Moses’ Final Blessing on the Tribes
- The poem opens with a vivid description of God appearing from the southern wilderness, explicitly naming Sinai, Seir, and Mount Paran to portray the Lord dawning like the sun over his gathered people.Sources: the Bible text itself · Sinai · Seir · Mount Paran
- The blessing for the tribe of Levi emphasizes their sacred duties: consulting the Urim and Thummim, offering incense and burnt offerings at the altar, and teaching God’s ordinances and laws to the assembly of Israel.Sources: the Bible text itself · Massah · Meribah (of Horeb)
- Joseph’s blessing anticipates great fertility and military strength, specifically mentioning both Ephraim and Manasseh, the two tribal lineages descended from Joseph’s sons born in Egypt.Sources: the Bible text itself · Joseph (son of Jacob) · Ephraim · Manasseh (son of Joseph)
Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.
Places in this chapter
- Meribah · Today: Ain el Qudeirat · 30.648, 34.422 · verse 2
- Meribah · Today: within 500 m of Wadi Rufaiyil · 28.623, 33.880 · verse 8
- Bashan · 32.781, 35.935 · verse 22
Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).
Credits and license for this translation
Wycliffe Bible This is the Pentateuch and Gospels from The Holy Bible, containing the Old and New Testaments, with the apocryphal books, in the earliest English version made from the latin Vulgate by John Wycliffe and his followers. c.1395 Public Domain Language: Middle English (English) Dialect: Middle Translation by: John Wycliffe 2016-11-08
Section headings adapted from the Berean Standard Bible (public domain); they are not part of this translation’s text.
Source: http://ebible.org/engWycliffe/ · eBible.org