Matthew 7
Paipel · Tap a verse to see its cross-references.
Usun apwüngü aramas
1“Ousap apwüngü aramas, pwe Kot esap apwüngükemi. 2Pun Kot epwe apwüngükemi won ewe chök lapalap oua apwüngü aramas won. Epwe eäni ngenikemi ewe chök aükük oua eäni ngeni aramas. 3Pwota ka küna ewe kükün pipi mi nom lon mesen pwiüm, nge kosap mefi ewe irä lon püsin mesom? 4Epwe ifa usun om kopwe tongeni üreni pwiüm, ‘Kopwe mwüt ngeniei ai üpwe uwawu ewe kükün pipi mi nom lon mesom,’ lupwen a wor ewe irä lon püsin mesom? 5En eman chon likatuputup! Kopwe akomwen uwawu ewe irä seni lon mesom, iwe, mürin kopwapw tongeni künafichi om kopwe uwawu ewe kükün pipi seni lon mesen pwiüm.
6Ousap ngeni ekewe kolak mine a pin, pun repwe chök kul o kükemi. Ousap mone ngeni ekewe pik ämi kewe föün pwei mi aüchea, pun repwe chök puriretiu fän pecher.
Tüngor, küt me fichifich
7“Oupwe tütüngor o epwe wor lifangemi. Oupwe küküt o epwe wor künaemi. Oupwe fichifich o epwe wor asam mi suk ngenikemi. 8Pun iö a tütüngor epwe angei och. Iö a küküt epwe künakün, nge iö a fichifich, epwe wor asam mi suk ngeni. 9Iö leimi ämi kana sam nöün epwe tüngorei eföü pilawa, nge epwe ngeni eföü fau? 10Nge are epwe tüngor eman ik, epwe ngeni eman serepenit? 11Iwe, are mwo ämi aramas mi ngau, nge oua silei ämi oupwe fang ngeni nöümi lifang mi mürina, epwe fen ifan me watten än Sememi lon läng fangala mettoch mi mürina ngeni chokewe mi tüngorei!
12Oupwe föri ngeni aramas usun mine oua mochen repwe föri ngenikemi. Pun iei masouen än Moses kewe allük me än ekewe soufos kapasen kait.
Ewe asam mi pwangekükün
13“Oupwe tolong lon ewe asam mi pwangekükün! Pun a pwangemong ewe asam o chömong ewe al mi ale ngeni feiengau esemüch, nge chokewe mi fetal won ra chomong. 14Nge a pwangekükün ewe asam o chökükün ewe al mi ale ngeni manau esemuch. Mi wor ekoch chök aramas mi fetal won ei al ngeni manau.
Efoch irä me uan
15“Oupwe afälikemi ren ekewe soufos chofona, ra feito remi lon lapalapen sip me lükün, nge me lon letiper a wewe ngeni tipen ekewe wolif mi mwacho. 16Ämi oupwe silleniir ren mine ra föri. Ekewe iräfölüföl resap uani uän kurukur, nge ekewe lantana resap uani uän apel. 17Efoch irä mi öch a uani ua mi mürina, nge efoch irä mi ngau a uani ua mi ngau. 18Efoch irä mi öch esap tongeni uani ua mi ngau, nge efoch irä mi ngau esap tongeni uani ua mi mürina. 19Iwe, ekewe irä resap uani ua mi mürina repwe pöküpök o koturulong lon ekkei. 20Iei usun ämi oupwe silleni ekewe soufos chofona ren mine ra föri.
Üsap fokun silekemi
21“Esap aramas meinisin mi aita ngeniei ‘Samol, Samol’ repwe tolong lon Mwün Läng, nge chokewe chök mi föri letipen Semei lon läng. 22Chomong repwe apasa ngeniei lon ewe ränin kapwüng, ‘Samol, Samol, ifa usun, äm aisap afalafal fän itom? Aisap asüela anün rochopwak fän itom? Aisap pwal föri chomong manaman fän itom?’ 23Mürin ngang üpwe üreniir, ‘Ngang üsap fokun silekemi. Oupwe sü seniei, ämi chon föri föför mi ngau!’
Ruoman chon kaü imw
24“Iei mine are eman a rongorong ai kei kapas o aleasochis ngeniir a wewe ngeni eman mwän mi tipachem, a aüetä imwan won achau. 25Iwe, a püng ütemong, chanpupu ra pwotä o pufetal o asepwäl a pöchökül le eniti ewe imw. Nge ewe imw esap turula, pun a kaütä won achau. 26Nge iö a rongorong ai kei kapas o aleasolap ngeniir a wewe ngeni eman mwän mi tiparoch, a aüetä imwan won pi. 27Mürin a püng ütemong, chanpupu ra pwotä o pufetal o asepwäl a pöchökül le eniti ewe imw. Iwe, a turula, nge ewe imw a unusen tatakis.”
Usun än Jesus manaman
28Iwe, lupwen Jesus a wes le kapas won ekei mettoch, ewe mwichen aramas a fokun weitifengeni usun an afalafal, 29pun a afalafal usun eman mi wor an manaman, nge esap afalafal usun nöür kewe Sensen Allük.

Did you know?
Judgment, the narrow way, and a firm foundation
- The event record dates the start of the Sermon on the Mount to AD 28 and its duration to one day. This chapter ends as the crowds are astonished at Jesus’ teaching, because he taught as one who had authority, and not as their scribes.Sources: Sermon on the Mount · the Bible text itself
- Jesus warns that the judgment a person pronounces, and the measure that person uses, will be turned back on them. He pictures someone who notices a speck in a brother’s eye yet misses a beam in their own, and he says the beam must be removed first.Sources: the Bible text itself
- The chapter calls doing to others as you would have them do to you the essence of the Law and the Prophets. It contrasts a wide gate and broad way that leads to destruction, which many enter, with a small gate and narrow way that leads to life, which few find, and it compares hearing these words and acting on them to a house built on rock rather than on sand.Sources: the Bible text itself
Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.
Credits and license for this translation
Paipel The Holy Bible in the Chuukese language of the Federated States of Micronesia copyright © 1984, 1989, 1991, 2001 Liebenzel Mission Language: Chuukese Translation by: Liebenzell Mission Old Testament © 1989, 2001 Liebenzel Mission New Testament © 1984, 1991 Liebenzel Mission This translation is made available to you under the terms of the Creative Commons Attribution-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not make any derivative works that change any of the actual words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2024-01-24
Source: http://ebible.org/chk/ · eBible.org