Nations Bible

Matthew 5

Paipel · Tap a verse to see its cross-references.

Jesus a afalafal won Chuk

1Iwe, lupwen Jesus a küna ewe mwichen aramas mi chomong, a feitä won eu chuk o mottiu ikenan, nge nöün kewe chon kaiö ra feito ren. 2Iwe, Jesus a popuetä le afalafaleer:

Enletin Feiöch

3“Ra feiöch chon silei pwe ra wöüngau lon pekin ngünür, pun ir repwe mwüni Mwün Läng. 4Ra feiöch chon kechü leluker, pun Kot epwe echipeer. 5Ra feiöch chon tipetekison, pun ir repwe fanüeni fanüfan. 6Ra feiöch chon mochen föri mine a pwüng me mwen mesen Kot, pun Kot epwe amenemenöchür. 7Ra feiöch chon eäni tong, pun Kot epwe pwal eäni tong ngeniir. 8Ra feiöch chon limöch leluker, pun ir repwe küna Kot. 9Ra feiöch chon afisätä kinamwe, pun ir repwe iteni nöün Kot. 10Ra feiöch chon küna riaföü pokiten ar föri mine a pwüng me mwen mesen Kot, pun ir repwe mwüni Mwün Läng. 11Oua feiöch lupwen aramas ra aitengauakemi o ariaföüükemi o apasa sokopaten kapas chofona mi ngau usumi pokiten oua tapweto müri. 12Oupwe pwapwa o mwanek, pun liwinimi epwe watte lon läng. Iei usun ra pwal ariaföüü ekewe soufos mi akom mwemi.

Salt me Saram

13“Ämi oua usun chök salt fän iten aramas meinisin. Nge are ewe salt a nepatapatala, esap wor och mine sipwe enekeniken ngeni. Esap chüen lomot ngeni och, sipwe chök pöütala nge aramas repwe puri. 14Ämi saramen fanüfan. Eu telinimw a nom won eu chuk esap tongeni monola. 15Esap wor eman aramas a keni eu lamp o a anomu fän eu sepi, nge epwe isetä won lenian, pwe epwe asarama chon ewe imw meinisin. 16Iei usun ämi saram epwe tittin mwen ekewe aramas, pwe repwe küna ämi föför mürina o mwareiti Sememi lon läng.

Än Jesus afalafal usun ekewe Allük

17“Ousap ekieki pwe üa feito pwe üpwe amoola än Moses kewe Allük me än ekewe soufos kapasen kait. Ngang üsap feito pwe üpwe amorerela, nge üa feito pwe üpwe unusen apwönüretä. 18Enlet, ngang üpwe ürenikemi, pwe tori än läng me fanüfan repwe morola, esap wor och kükün mesen mak are och tik won eföü mesen mak epwe morola tori an epwe pwönüetä ekei mettoch meinisin. 19Iwe, are eman a purätiu eu me lein ekei allük mi fokun kisikis o aiti ngeni aramas pwe repwe föri iei usun, ätewe epwe fokun kisikis lon Mwün Läng. Nge eman mi apwönüetä kapasen ekei Allük o aiti ngeni aramas pwe repwe föri iei usun, ätewe epwe tekia lon Mwün Läng. 20Pun üpwe ürenikemi, pwe ämi oupwe chök tongeni tolong lon Mwün Läng are ämi oua föri mine a pwüng me mwen mesen Kot lap seni ekewe Sensen Allük me ekewe Farisi.

Än Jesus afalafal usun song

21“Oua fen rongorong usun än ekewe sensen lamalam aiti ngeni ach kewe lewo, ‘Kosap niela aramas. Iö a niela aramas epwe tolong lon kapwüng.’ 22Nge ngang üpwe ürenikemi: Iö a songeiti pwiin epwe tolong lon kapwüng, o iö a kapasen turunufas ngeni pwiin epwe tolong lon kapwüng mi lap, nge iö a apasa ngeni pwiin, ‘En mi umwes,’ epwe fich ngeni an epwe tolong lon ewe ekkeiin hell. 23Iei mine are kopwe wätä om asor ngeni Kot won ewe rongen asor, o ikenan ka chechemeni pwe pwiüm a chou ngonuk, 24kopwe likiti om we asor mwen ewe rongen asor o liwinla, pwe kopwe achä ngonuk pwiüm. Mürin kopwe liwinto o wätä om we asor won ewe rongen asor. 25Are eman a mochen kapwüng ngonuk pwe a föri nöün toropwen kapwüng, kopwe müttir chächäri lupwen mi chüen wor fansoun, pwe ete aturuk ren soukapwüng, o i epwe atolongok lepöün polis, nge ir repwe aturukolong lon imwen fötek. 26Enlet, üpwe ürenuk, pwe kosap fokun towu me ikenan tori om kopwe mönätiu unusen liwinin om we tipis.

Än Jesus afalafal usun lisowu

27“Oua fen rongorong pwe ekewe sensen lamalam ra apasa, ‘Kosap lisowu.’ 28Nge ngang üpwe ürenikemi: Are eman mwän a nenengeni eman fefin o a mochenia ngeni, ätewe a fen tipisin lisowu ngeni ren an ekieki neminewe lon lelukan. 29Iwe, are pelifichin mesom epwe emwenukolong lon tipis, kopwe alusawu o pöütala. Pun a fen öch ngonuk pwe eu kükün kifetin inisum epwe pöütüla, lap seni unusen inisum epwe koturulong lon hell. 30Nge are pöüifichum epwe emwenukolong lon tipis, kopwe pöküela o pöütala. Pun a fen öch ngonuk pwe eu kükün kifetin inisum epwe pöütüla, lap seni unusen inisum epwe koturulong lon hell.

Än Jesus afalafal usun mwüfesen

31“Oua fen pwal rong pwe ekewe sensen lamalam ra apasa, ‘Eman mwän mi pöütala pwülüan, epwe ngeni echö toropwen mwüfesen.’ 32Nge ngang üpwe ürenikemi: Are eman mwän epwe pöütala pwülüan, nge neminewe esap kirikiringau ngeni, ätewe a föri pwe neminewe a tipisin lisowu are a pwüpwülüsefäl, nge pwal ewe mwän mi pwülüeni ei fefin a tipisin lisowu.

Än Jesus afalafal usun pwon fän akapel

33“Oua fen pwal rong usun än ekewe sesen lamalam aiti ngeni ach kewe lewo, ‘Kosap atai om pwon ngeni ewe Samol, nge kopwe apwönüetä mine ka pwon ngeni fän akapel.’ 34Nge ngang üpwe ürenikemi: Kosap fokun akapel lupwen ka eäni eu pwon. Kosap öpölü läng, pun iei än Kot lenien mot, 35kosap öpölü fanüfan, pun iei än Kot lenien puun pechen, kosap pwal öpölü Jerusalem, pun iei telinimwen ewe king mi lapalap. 36Kosap pwal öpölü mökürom, pun kosap tongeni apwecha are acholu emet metan. 37Kopwe chök apasa, ‘Ewer, ewer,’ ika ‘Apw, apw,’ pun mine a som seni a pop seni ewe mi Ngau.

Än Jesus afalafal usun kütta liwinin föför mi ngau

38“Oua fen rongorong pwe ekewe sensen lamalam ra apasa, ‘Are eman a afeiengaua mesen eman, mesan epwe pwal feiengau, nge are eman a tülü ngiin eman, ngiin epwe pwal tütül.’ 39Nge ngang üpwe ürenikemi: Ousap liwini än aramas ngau ngenikemi. Are eman epwe pösapei pelifichum, kopwe akulu ngeni pwal epek. 40Are eman a atolongok lon kapwüng, pwe epwe angei üfom söch, kopwe pwal likiti ngeni üfom sekit. 41Are eman sounfiu epwe arianuk pwe kopwe uwei pisekin lon ükükün eu mail, kopwe fen etala ruu mail. 42Are eman a tüngor och senuk, kopwe chök ngeni, nge are eman a mochen paro och pisekum, kopwe mwüt ngeni.

Än Jesus afalafal usun ach sipwe echeni chon oputach

43“Oua fen rongorong pwe ekewe sensen lamalam ra apasa, ‘Kopwe echeni chon arum, nge kopwe oput chon oputom.’ 44Nge ngang üpwe ürenikemi: Oupwe echeni chon oputakemi o iotek fän iten chokewe mi ariaföüükemi, 45pwe oupwe wiliti nöün Sememi mi nom läng. Pun i a atötai förian akkar won ekewe aramasangau me aramasöch, nge a apüngatiu üt won chon pwüng me chon pwüngingau. 46Are oua chök echeni chokewe mi echenikemi, esap wor och liwin oupwe angei. Pwal mwo nge ekewe chon ioni takises ra föri ei sokun. 47Are oua chök kapong ngeni chiechiemi kana, oua ekieki pwe oua föri och mi lap seni än pwal ekewe ekoch aramas föför? Pwal mwo nge ekewe resap silei Kot ra föri ei sokun. 48Iei mine ämi oupwe unusöch usun Sememi mi nom läng a unusöch!

Artistic illustration — an interpretation, not a historical record.

Did you know?

The Sermon on the Mount

  • When Jesus saw the crowds, he went up on the mountain, sat down, and began to teach his disciples. That discourse is known as the Sermon on the Mount. A chronological note places its start in AD 28 and gives it a duration of one day.Sources: the Bible text itself · Sermon on the Mount
  • Teaching about oaths, Jesus says not to swear by Jerusalem, for it is the city of the great King. In the original the name is a dual form meaning possession of peace, or foundation of peace. That form probably refers to the two mountains on which the city was built, Zion and Moriah, or, as some suppose, to the upper and the lower city; it was also called the city of God and the holy city.Sources: the Bible text itself · Jerusalem

Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.

Places in this chapter

  • Jerusalem · 31.777, 35.234 · verse 35

Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).

Credits and license for this translation
Paipel
The Holy Bible in the Chuukese language of the Federated States of Micronesia
copyright © 1984, 1989, 1991, 2001 Liebenzel Mission
Language: Chuukese
Translation by: Liebenzell Mission
Old Testament © 1989, 2001 Liebenzel Mission
New Testament © 1984, 1991 Liebenzel Mission
This translation is made available to you under the terms of the
Creative Commons Attribution-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not make any derivative works that change any of the actual words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2024-01-24

Source: http://ebible.org/chk/ · eBible.org

Talk to us

Tell us where you read from, how the Bible has helped you, or what we could improve. We read every message.