Esther 7
Uyojroner e Dios xeꞌ Tzꞌijbꞌabꞌir Tama e Onian Tiempo · Tap a verse to see its cross-references.
Conda e Amán quetpa tuaꞌ achamesna
1Entonces e rey y e Amán ixiobꞌ tama e wiar lo que ustabꞌir umen e reina Ester. 2Y tama e wiar era, cay ojron e rey taca e Ester y che:
—Cꞌajtin lo que acꞌani y nen cꞌani inwajqꞌuet, motor que iꞌxin acꞌajti mitad tama tunor lo que ayan tacaren, che e rey.
3Entonces ojron e Ester y che:
—Pues jay war itzay awiren, niwinquiret, y jay aquetpa imbꞌutz toit tunor lo que cꞌani inwaret, cꞌani incꞌajti tacaret que iꞌxin acorpesen tuaꞌ machi inchamesna y que acorpes ucuxtarobꞌ nichinam ubꞌan. 4Pues nen y tunor nichinam xeꞌ turobꞌ tama nichꞌajnarir war caquetpa bꞌan cocha cora aracꞌobꞌ xeꞌ chombꞌiron tuaꞌ cachamesna y tuaꞌ casajta inyajrer. Pues jay chojnon ani tuaꞌ taca caquetpa cora man xeꞌ mambꞌir inyajrer, nen matucꞌa ani inwaret, y nien machi ani aquetpa tuaꞌ inyopa toit tuaꞌ incꞌajti atacarsiaj tama tunor era, che e Ester.
5Entonces e rey Asuero uyubꞌi tuaꞌ e Ester y che:
—Y ¿chi canic uyacta oꞌchoy e bꞌijnusiaj tuaꞌ uche inteꞌ nuxi mabꞌambꞌanir cocha era tama uyalma, y que nienix abꞌacta? Y ¿tiaꞌ turu? che e rey.
6Entonces ojron e Ester y che:
—Pues xeꞌ war ixto aqꞌuijna uwiron yaꞌ jax e tzuc Amán era, che e Ester.
Y tama e momento era e Amán cay chincha meyra umen e bꞌajcꞌut tiaꞌ turu tut e rey y tut e reina Ester. 7Entonces qꞌuijna meyra e rey, y achpa wacchetaca y locꞌoy tama e otot, y ixin patir tiaꞌ ayan cora teꞌ tor e tinaj. Y e Amán cꞌotoy unata wacchetaca que e rey war ubꞌijnu tuaꞌ uyare achamesna, y tamar era jaxir quetpa macu tiaꞌ turu e Ester tuaꞌ ucꞌajti tacar tuaꞌ machi achamesna. 8Y conda sutpa tari e rey tiaꞌ turu patir y ochoy tama e otot otronyajr tiaꞌ war uchiobꞌ e wiar, uwira que e Amán cotor tuyejtzꞌer e sillón tiaꞌ chꞌar e Ester. Entonces ojron e rey y che:
—¿O warto ca abꞌijnu tuaꞌ ache forzar e reina conda turuto tama niotot? che e rey.
Y conda cꞌapa ojron e rey cocha era, uyare umanobꞌ tuaꞌ uqꞌuechiobꞌ axin e Amán. Y wacchetaca jaxirobꞌ ujuriobꞌ inteꞌ saco tujor y uqꞌuechiobꞌ locꞌoy. 9Y entonces ojron e Harboná xeꞌ jax inteꞌ tujam umanobꞌ e rey y che:
—Pues tuyejtzꞌer uyotot e Amán ustabꞌir inteꞌ nuxi teꞌ xeꞌ ucojco veintidós metro tama uwatar xeꞌ war ucꞌani tuaꞌ achꞌubꞌna e Mardoqueo tamar. Y e Mardoqueo jax xeꞌ cay ucorpes acuxtar tama inyajr, che e Harboná.
Entonces ojron e rey y che:
—Chꞌubꞌanic e Amán tamar, che e rey. 10Pues bꞌan cocha era cꞌotoy chamesna e Amán conda chꞌubꞌna tamar taca e teꞌ xeꞌ uyare tuaꞌ oꞌstana tuaꞌ ani achꞌubꞌna e Mardoqueo tamar. Y bꞌan cocha era sisa uqꞌuijnar e rey. “Pues xeꞌ war ixto aqꞌuijna uwiron yaꞌ jax e tzuc Amán era, che e Ester.” (Ester 7:6)|alt="Esther accusing Haman" src="co01286b.TIF" size="span" loc="Esther 7:1–10" copy="David C. Cook" ref="ESTER 7:10"

Did you know?
Esther Exposes Haman's Plot
- At the second banquet of wine, Queen Esther revealed that she and her people had been condemned to total annihilation. When the king demanded to know who would devise such a scheme, she directly denounced Haman, the king's high-ranking official, as the wicked adversary.Sources: the Bible text itself · Esther · Haman
- When King Ahasuerus returned from the palace garden in fury, he found Haman falling upon the couch where Esther was reclining to plead for his life. The king interpreted this breach as an attempt to assault the queen, and attendants immediately covered Haman's face.Sources: the Bible text itself · Ahasuerus
- Harbonah, one of the royal eunuchs, informed the king that Haman had built a gallows fifty cubits high at his house for Mordecai, the man who had previously uncovered a plot to save the king's life. Ahasuerus immediately ordered Haman to be executed on the very structure he had prepared.Sources: the Bible text itself · Mordecai · Harbonah
Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.
Credits and license for this translation
Uyojroner e Dios xeꞌ Tzꞌijbꞌabꞌir Tama e Onian Tiempo The New Testament and Genesis, Ruth, Esther, and Jonah in the Chorti language of Guatemala El Nuevo Testamento, Génesis, Rut, Ester y Jonás en Chortí, Guatemala copyright © 1996, 2012, 2013, 2023 Wycliffe Bible Translators, Inc. and Evangel Bible Translators, International Language: Chortí (Chorti) Translation by: Evangel Bible Translators, International and Wycliffe Bible Translators New Testament © 1996, 2012 Wycliffe Bible Translators, Inc.; Old Testament © 2012, 2013, 2023 Evangel Bible Translators, International This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2023-08-23
Source: http://ebible.org/caa/ · eBible.org