Proverbs 29
Fúka Moodaanaki Kira Ufa Afaqínaasa Ufa · Tap a verse to see its cross-references.
1Kaukaata qimari fasiqana moomoo kari andeeqaafanoo sia irimarifa qusasaa radamu saifanoo mina andeeqara aana sia mariannoo.
2Andeeqarausa rakisirausaikiafaqa aiqama fasiqa anaasee asasidaqa. Manda oosana maree mariasa rakisirausaikiafaqa aiqama faiqí anaasee ummaara maraidaqa.
3Irirana faqaafa marinanoo ani anoofa akoofa asasiannoo. Dapi maraqa nua aanaaseefinnai fimarifa narí munnimma aiqama aqu taikaidanoo.
4Maqasaa karaambaiqa fannoo andeeqara oosananoo maa maqa maaqana rakisifanoo afeekaikinoo maridanoo. Munnimmara iridanoo rakisifanoo mifa rakisimari maqa maaqafa maaniki aqufidanoo.
5Faiqí moo fannoo narí aqoonnana fadameena akira ufa ami marifa narí mina ufaana fufidanoo.
6Manda oosana maree mariasa nári aaqarafa nári ufaana fufufifaqa aridaqa. Andeeqee mariasa asasammasee idiana faqa fidaqa.
7Amiqira fasiqa fannoo kudi fasiqa ummaarara faqa iridanoo. Manda oosana maree marifa sia miqira ainainara iridanoo.
8Ufa rukiee mariasa nári maqannaasa nirana fundakida aanooqirana uqeera nimidaqa. Irirana faqaasa aanooqirana asooama nimaqaidaqa.
9Irirana faqaafa furufarirana afiqee kootai munusaifanoo furufarirafa aanooqimasee uteeti qidanoo.
10Faiqí fidika ruiqarara rimariasa andeeqara fasiqara fidiaqaa midaqa. Andeeqara fasiqauqa misa mariranasaa itita nimaqaidaqa.
11Irirana siaisa nariqa aanooqirana akooqoo koorooidaqa. Irirana faqaasa nári naundurai kai nári ufa rafaaqa fidaqa.
12Uriqararafa unna ufa irimarifa marinaqa aiqama mina dadaaqimariasa unna ufa qimariasa kai marifaranoo.
13Kudi fasiqa faqa minasaa rakisi marina faqa Yaaweefa kai nifu nimiqaifanoo.
14Uriqararafa kudi fasiqa andeeqaranara qimarifa naaru naaru rakisi nimaqaannoo.
15Faiqi aanaaqi arusee andeeqainafa amiqiannoo. Faiqi aanaaqiuqa nári irirana mau fiqa nári ninausa nisaurirana nimifaranoo.
16Manda oosana maree mariasa uriqararausai kifanoo mandoosana fannoo firaafaikiannoo. Andeeqarausa manda oosana maree mariasa saamurifaqa qafeefaranoo.
17Aneenna faiqi namu andeeqara ufa naakapainaqa misa andeeqara aatata fifana anee asasinnaranoo.
18Anutuna itita nimaqarafa sia mari maqa maaqanaki sia mina sandufa maridanoo. Anutuna sandufa mau fimariasa asasiranaki maridaqa.
19Anee ufannai kai ainainira faiqi ufa qimaminanoo siamma iriannoo. Mifa ani ufa amiqimmasee irisee sia mimau fuannoo.
20Irirana siaifa kaqikaaqoo amana maridanoo. Sia irirana irisee ufa qimarifa mandaika uqanna inoo maridanoo.
21Anee aneenna ainainira faiqi faiqi aanaaqisaaqari aidi maru ainainna amisainanoo kaqi kaaqoo marinoo mi ainainira faiqifa ani aiqama ainaina maraannoo.
22Qusufa qimarifa moomoo aanoo qirana faqa ummaara faqa uqeeraidaqa.
23Narí auqu uqeeree marifa asauriranaki aqufuannoo. Narí mara maree qumi marifa uriqarara auqu maraannoo.
24Ummuarira fasiqa dadaaqinara aneenna kai aneenna namuqaakinnaranoo. Kootaki oonuree anoona ufa qinaqa mina akiiqara misa aupurarana amifaranoo. Mifa kukeeqainanoo Anutufa mina aqurara ufa qiannoo.
25Anee faiqiara rufieenana aneenna ufaana fufi mariananoo minaki aneenna arinnaranoo. Yaaweena saqariki marifa amiqiranaki maridanoo.
26Aiqamausa maqasaa uriqararana oorisaa oonuree andeeqaranara iraidaqa. Sia minannai nári andeeqarana mareefaranoo Yaawee finnaindaraana mareefaranoo.
27Andeeqarausa manda oosana maree mariasara fidiaqaa midaqa. Manda oosana maree mariasa andeeqarausara fidiaqaa midaqa.

Did you know?
Justice, Governance, and Self-Restraint
- Proverbs 29 repeatedly links a society's well-being to righteous governance, noting that the people rejoice when the righteous rule but groan under wicked leaders. A king who judges the poor with equity and maintains justice stabilizes the land, while rulers who heed falsehoods corrupt their officials.Sources: the Bible text itself
- The chapter highlights the importance of moral guidance and discipline, observing that without a vision or revelation, people cast off restraint, whereas keeping the Law brings blessing. This principle of instruction and correction is also applied directly to the household and the raising of children.Sources: the Bible text itself
- Self-control in speech and emotion is a central theme: while a fool vents all his rage and speaks in haste, a wise person holds back anger. The text warns that pride brings a person low, but a humble spirit attains honor.Sources: the Bible text itself
Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.
Credits and license for this translation
Fúka Moodaanaki Kira Ufa Afaqínaasa Ufa Portions of the Holy Bible in the Binumarien language of Papua New Guinea Buk Baibel long tokples Binumarien long Niugini copyright © 1983, 2001, 2017 Wycliffe Bible Translators, Inc. Language: Binumarien Translation by: Wycliffe Bible Translators This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2013-08-10
Source: http://png.bible/bjr/ · eBible.org