Nations Bible

Proverbs 23

Fúka Moodaanaki Kira Ufa Afaqínaasa Ufa · Tap a verse to see its cross-references.

1Anee uriqarara fasiqa faqa ooqu marifi narana naidana aneenna iriranaki mifa narana aminara iria.

2Anee moomoo narana neemarianafa maridana aneenna aidirana rafaaqafua.

3Anee sia mina amiqira naranara aqaara raani. Mifa ani akaru qiandoora sia irimariananoo.

4Anee sia moomoo munnimma ainaina mararee qimasee afeeka taikaa.

5Anee moomoo munnima marasainanoo kai kaqi taikaannoo. Mi munnimmafa aqoosa arufinanoo uqaumuara foora aqamaree sandaannoo.

6Anee tatamaqimari fasiqana narana sia naa. Sia mina amiqira naranara amukaani.

7Miqira fasiqa fannoo unna qimasee fifau aniara moo faqa moo faqa naannee qidanoo. Aunduraki aniara qoodaa naannee qidanoo fifau afauru fannoo kai miqi qidanoo.

8Anee mina narana namaseenana raudamaki finana fidinnaranoo. Anee fifau mina faqa amiqira ufa qiananoo.

9Anee sia furufarira fasiqa ufa amia. Mifa ani ufara sia asasiannoo.

10Sia maqa ooqai oosu maqoona mafi moosaa quqaa. Fiaiqi faiqi maqa faqa sia maraa.

11Yaaweefa misa afeeka itita nimaqarafa maridanoo. Mifa misa saaroo qinoo ani ufa amiannoo.

12Ani qimami mari fasiqafinnai aaqoo quqasee amiqimmasee iria.

13Faiqi aanaaqi ariranara sia amuqusinana minnisaa. Saamunnai kaqi arua sia kuquannoo.

14Miqiannanannai anee misa marirana asumu mara quqaananoo.

15Qini qimaaku anee irirana faqaafa marinaqa qinee asasianaura.

16Anee irirana faqaasa ufa qinaqa qinee iriqa nasurianauranoo.

17Anee sia manda oosana maree mariasa oosanara aidiani. Anee aiqama kari Yaaweena ameemaanai kai maria.

18Anee miqinana kasooaqee ani marirafa amiqimmiannoo.

19Qini qimaaku qini ufa iriseenana irirana faqaafa maria. Aneenna nirana mariranara amiqimmasee iria.

20Sia moomoo nammari neemariasa faqa moomoo narana neemariasa faqa moodaanakikia.

21Nammari moomoo neemariasa faqa moomoo narana neemariasa faqa qusasaa ainainara sarau ifaranoo. Narana namasee faasaana faiqaqee marifa qusasaa qamunna anaqi anaqirana afisusee mariannoo.

22Aneenna akoona ufa iria. Sia mina ufa irinana sia amanaikinnaranoo. Ani anoofa asooaqainana amiqimmasee rakisia, sia akooakaa ia.

23Kuqaa anoona qira ufa faqa amiqira irirana faqa afeekaikammasee maraa. Firaa ainaina marinara sia uqasaina moo fannoo feefauriani.

24Irirana faqaa faiqi anoofa akoofa firaaqoo asasidaqa. Misa asasirana oosana maifaqa asasidaqa.

25Miqinaqa ani anoofa faqa akoofa faqa aniara asasiaqa. Aneenna anoona afaaqa amiqirana aminanoo asasiani.

26Qini qimaaku qini ufa amiqimmasee iria. Saina qini marirafa ani quqafiqaani.

27Dapi maraqa nua aanaaseefa faqa moo fasiqa anaaqa faqa dikaanda miqirafa meemaqoo maridanoo. Faiqí minaki kuqira ufaanakiara foora aridaqa.

28Misa ummuarira fasiqara foora maridaqa aniara rakisidaqa. Mi anaaseefa moomoo fasiqa furufara masaifaqa nariqa faiqí anaasee faqa mariana rakeeidaqa.

29Yausee noori runusee marifaree. Yausee aanooqiranaki numudaqee marisa maridee. Yausee muamunda faqaasa maridee. Yausee fidika nifu namu faqa maridee.

30Uainna nammari kisaaqasaa neemariasa kai mi ainainausa maraidaqa. Osana oosana nammari amanammasee qafeemariasa mi mandainainausa qafaidaqa.

31Sia mi nammarina kaafaki adiasaina taatuqee arinanoo qaqaara raani. Mi nammarifa qaqarinnanara sia ani qaqaara raani. Asanandai adiasaina fadameenara foora farindeenoo ooqu finanoo sia qaqaara raani.

32Mi nammarina nama taikasainanoo ukadiqara foora ani ukaqa amiannoo.

33Anee namasainanoo ani afu mookamma finana sia ainaina amiqimmasee qafeennaranoo. Ani atikuraki irirafa furufara mafinana sia amiqimmasee irirafa aniki kambiqainana sia amiqimmasee ufa qinnaranoo.

34Anee namaseenana sipakiara foora ooruku nammariki fimariandee idana teeqe taaqimminaranoo. Sipa faakanasaara foora faiqararidana meemai nammari qafainanoo amuqusammiannoo.

35Amuqusinana anee maaqi qinnaranoo. Misa qini daruafaqa sia aupuraidaqee qinnaranoo. Misa saamu samu qini daruafanoo sia didafinoofee qinnaranoo. Qinee faisee findifinaqa moo faqa naanauree qinnaranoo.

Artistic illustration — an interpretation, not a historical record.

Did you know?

Warnings and Guidance for Wise Living

  • The chapter urges extreme caution and self-control when dining with rulers or stingy hosts. It warns that lavish hospitality can be deceptive or secretly calculated by someone whose heart is not genuinely generous.Sources: the Bible text itself
  • The text explicitly prohibits moving ancient boundary markers or seizing the property of fatherless children. It warns that these vulnerable individuals have a strong Redeemer who will champion their cause against oppressors.Sources: the Bible text itself
  • Proverbs 23 provides a vivid depiction of the dangers of excessive drinking, comparing wine to a serpent that bites like a viper. It portrays intoxication through disorientation, hallucinations, numbness to physical injury, and an addictive cycle of seeking another drink.Sources: the Bible text itself

Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.

Credits and license for this translation
Fúka Moodaanaki Kira Ufa Afaqínaasa Ufa
Portions of the Holy Bible in the Binumarien language of Papua New Guinea
Buk Baibel long tokples Binumarien long Niugini
copyright © 1983, 2001, 2017 Wycliffe Bible Translators, Inc.
Language: Binumarien
Translation by: Wycliffe Bible Translators
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2013-08-10

Source: http://png.bible/bjr/ · eBible.org

Talk to us

Tell us where you read from, how the Bible has helped you, or what we could improve. We read every message.