Matthew 2
Godeya꞉ To Nafayo꞉ We · Tap a verse to see its cross-references.
Ha꞉la꞉ kalu asulo꞉lo꞉ di iyo꞉ Ya꞉suwo꞉ wabuluma꞉ni mio꞉
1Ha꞉lod e misa꞉ kalu alan elen amio꞉, Ya꞉su e Ba꞉diliha꞉m amisa꞉n, Yudia hen a꞉nami sa꞉la꞉li. Ho꞉len nolo꞉ ta꞉ta꞉ga꞉yo꞉, tamin halonamilo꞉ asulo꞉lo꞉ di kalu nolo꞉ ofdo꞉ yan doba꞉da꞉ a꞉la꞉ta꞉ga꞉ Ya꞉lusalem a꞉na fa꞉la꞉dowakiyo꞉ a꞉la꞉sio꞉, 2“Yuwa꞉ misa꞉ alan doma꞉ib so꞉wa a꞉no꞉ o꞉bamida꞉ sa꞉la꞉liyo꞉? Nio꞉ tamin elo꞉wo꞉ fa꞉la꞉dowabi ba꞉ba꞉ ko꞉lo꞉, nio꞉ e ko꞉lo꞉ wabudaki dulugu sa꞉ma꞉ni mio꞉” a꞉la꞉sio꞉. 3Misa꞉ kalu alan Ha꞉lod e ililo꞉ to sio꞉ a꞉no꞉ da꞉dakiyo꞉, e mada kele asulabiki, Ya꞉lusalem kaluka꞉isale iyo꞉lo꞉ mada kele asulo꞉. 4A꞉la꞉fo꞉ko꞉lo꞉ eyo꞉ bobalo꞉ so꞉mea꞉sen misa꞉ kalu iyo꞉lo꞉, elelo꞉ wida꞉sen kaluwo꞉lo꞉ tambo a꞉na ho꞉le kegea꞉sa꞉ga꞉yo꞉, imo꞉wo꞉ a꞉la꞉dabu ba꞉ba꞉, “Godeya꞉lo꞉ da꞉feyo꞉ kalu e o꞉bamida꞉ sa꞉la꞉lia꞉iba?” 5Iliyo꞉ a꞉ma꞉la꞉bo꞉ a꞉la꞉sio꞉, “E Ba꞉diliha꞉m amisa꞉n, Yudia hen us wena sa꞉la꞉lia꞉ib. Godeya꞉ tolo꞉ dinali sa꞉lan kaluwa꞉lo꞉ to ko꞉lo꞉ sa꞉sa꞉lifa꞉ da꞉labo꞉ we,
6“Ba꞉diliha꞉m amisa꞉n, Yuda hen amio꞉lo꞉ a꞉lab ge, wilo꞉ma dowo꞉.
Amisa꞉n alan Yuda hen a꞉namilo꞉ a꞉lab a꞉no꞉ gi tiniab.
Mo꞉wo꞉ tif amio꞉ bo꞉fo꞉mela꞉no꞉ kalu nowo꞉ geya a꞉la꞉ta꞉ga꞉ fa꞉la꞉doma꞉ib ko꞉lo꞉,
eyo꞉ Isolael kaluka꞉isale nilo꞉ we, dinafa tililia꞉ ha꞉na꞉ib.” Tamindo꞉ asulo꞉lo꞉ kalu iyo꞉ so꞉wayo꞉ ba꞉ba꞉ni mio꞉.|alt="Magi travel on camels" src="IB04104_gr.tif" size="col" copy="Farid Faadil © Biblica, Inc. Used with permission. All rights reserved worldwide." ref="2.1"
7Ha꞉lod eyo꞉ to a꞉no꞉ da꞉da꞉sa꞉ga꞉yo꞉, tamin halonamilo꞉ asulo꞉lo꞉ di kalu i a꞉no꞉ wo꞉no꞉le ho꞉lelia꞉ga꞉, tamin a꞉no꞉ ho꞉leno꞉ mada iga꞉sa fa꞉la꞉dowabiyo꞉ a꞉la꞉liki dinafa fanda dabu ba꞉da꞉sa꞉ga꞉yo꞉, e asulo꞉wo꞉ a꞉na di. 8A꞉la꞉fo꞉ko꞉lo꞉ eyo꞉ i a꞉no꞉ Ba꞉diliha꞉m a꞉na iliga꞉takiyo꞉ a꞉la꞉sio꞉, “Gio꞉ so꞉wa a꞉no꞉ mada dinafa keda꞉i ha꞉na꞉bi. Giliyo꞉ so꞉wa a꞉no꞉ ba꞉da꞉ga꞉yo꞉, nelo꞉ elo꞉wa ha꞉na꞉sa꞉ga꞉ ene wiyo꞉ wabulu sa꞉ma꞉no꞉ ko꞉lo꞉ nelo꞉ amio꞉ bo꞉bo꞉ge sa꞉ma꞉ni ya꞉bi.”
9Misa꞉ kaluwa꞉lo꞉ to sa꞉lab a꞉no꞉ da꞉da꞉ga꞉yo꞉, iyo꞉ ha꞉na꞉ni ane. A꞉la꞉ta꞉ga꞉yo꞉ tamin ilo꞉ tamin amilo꞉ fa꞉ladowabilo꞉ ba꞉ba꞉ a꞉ma꞉yo꞉, iyo꞉ tililia꞉ ha꞉na꞉ga꞉, so꞉wa tuo꞉lundo꞉ da꞉lab imilide a꞉na kagayo꞉. 10Iyo꞉ tamin ko꞉lo꞉ kagayab a꞉no꞉ ba꞉da꞉ga꞉yo꞉, iyo꞉ mada sagalo꞉wo꞉ alan dowo꞉ 11Iyo꞉ a usa tiane amio꞉, so꞉wa a꞉no꞉lia꞉ ano Malia o꞉lia꞉yo꞉ a꞉na sena ba꞉da꞉ga꞉yo꞉, iyo꞉ a꞉na gulalu misa꞉fu alitaki, emo꞉wo꞉ a꞉na wabulu sio꞉. A꞉la꞉ta꞉ga꞉ ililo꞉ boba kelego꞉ dia꞉mio꞉ a꞉no꞉ segeselia꞉sa꞉ga꞉yo꞉, go꞉l o꞉lia꞉ i mak mun nafalo꞉ da꞉dan kelego꞉ o꞉lia꞉, i ho꞉n mun nafalo꞉ da꞉dan kelego꞉ no o꞉lia꞉yo꞉ emo꞉wo꞉ a꞉na dimi. 12A꞉la꞉ta꞉ga꞉ Gode eyo꞉ imo꞉wo꞉ ofolo꞉ meakiyo꞉, iyo꞉ Ha꞉lodo꞉ amio꞉ a꞉ma꞉la꞉bo꞉ ha꞉na꞉so꞉boka꞉ a꞉la꞉likiyo꞉ hagugu sio꞉ ko꞉lo꞉, iyo꞉ tog nodo begele ha꞉na꞉ga꞉, ini hena ha꞉na꞉ni ane.
Yosa꞉bo꞉, ingayo꞉, so꞉wa a꞉no꞉lo꞉ wo꞉no꞉le Isib mesa꞉ni ane
13Tamin halonamilo꞉ asulo꞉lo꞉ di kalu i a꞉no꞉ ha꞉na꞉ga꞉ dowabikiyo꞉, Alana꞉ ene ma꞉mul kaluwo꞉ Yosa꞉b dowa ofo fa꞉la꞉dowakiyo꞉ a꞉la꞉sio꞉, “Ha꞉lod eyo꞉ so꞉wa we sanala꞉ma꞉no꞉ a꞉la꞉liki kelema꞉nigab ko꞉lo꞉, ge dasilia꞉ga꞉, so꞉wa we a꞉la꞉ta꞉ga꞉ ano o꞉lia꞉yo꞉ tililia꞉ga꞉, Isib mesa꞉ni bo꞉bo꞉ge ha꞉na꞉bi. A꞉la꞉ta꞉ga꞉ gio꞉ a꞉na silikiyo꞉, nilo꞉ to sa꞉labo꞉ ko꞉lo꞉ yasi sa꞉bi.” 14A꞉la꞉sa꞉labiki Yosa꞉b e dasilia꞉ga꞉, nulu a꞉naka dimadala꞉sa꞉ga꞉yo꞉, so꞉wa o꞉lia꞉ ano o꞉lia꞉yo꞉ tililia꞉ga꞉ Isib a꞉na ane. 15A꞉la꞉fo꞉ko꞉lo꞉ Ha꞉lod e soma꞉ki yasilakiyo꞉, iyo꞉ Isib a꞉naka o꞉sen. A꞉la꞉do꞉ gab a꞉na ilikiyo꞉, Kalu Alana꞉ to ko꞉lo꞉ dinali sa꞉lan kaluwa꞉lo꞉ sio꞉ a꞉no꞉ ilili alifa꞉. To sio꞉ a꞉no꞉ we, “Ni kalu so꞉wa ko꞉lo꞉ Isibdo꞉ sab a꞉no꞉, ta꞉fo꞉ mena꞉ki a꞉na ho꞉ido꞉.” Yosa꞉b eyo꞉ ano o꞉lia꞉ so꞉wa o꞉lia꞉yo꞉ Isib hena ane.|alt="Flight to Egypt" src="C058_gr.tif" size="col" copy="© 1997 New Tribes Mission/Foreign Mission Board, Southern Baptist Convention." ref="2.14"
Ha꞉lod eyo꞉ so꞉wayo꞉ sanala꞉
16Ha꞉lod eyo꞉ tamindo꞉ asulo꞉lo꞉ kalu iyo꞉ e dikido꞉lo꞉b a꞉la꞉asula꞉sa꞉ga꞉, e mada gadia꞉sa꞉ga꞉ kulufa꞉yabiki, ene da꞉la꞉di kalu nolo꞉ Ba꞉diliha꞉m amisa꞉n a꞉na iliga꞉takiyo꞉ a꞉la꞉sio꞉, “Ba꞉diliha꞉m amisa꞉n amio꞉lo꞉, ha꞉la꞉ doba꞉da꞉lo꞉ sab a꞉namio꞉lo꞉, kalu so꞉wa donayo꞉ otaleno꞉ o꞉semo꞉ gulula꞉ a꞉no꞉ tambo yasala꞉bi.” Ha꞉lod eyo꞉ tamin a꞉no꞉ ho꞉len iga꞉sa mada fa꞉la꞉dowabeyo꞉ a꞉la꞉bo꞉, asulo꞉lo꞉ di kalu imo꞉wo꞉ dinafa fanda dabu ba꞉ba꞉ ko꞉lo꞉, ho꞉len a꞉namilo꞉ kalu so꞉wa sa꞉la꞉lia꞉lab a꞉no꞉ eyo꞉ yasala꞉ma꞉no꞉ a꞉la꞉asulaki go꞉. 17A꞉la꞉fo꞉ko꞉lo꞉ Godeya꞉ to ko꞉lo꞉ dinali sa꞉lan kalu Ya꞉limaya elo꞉ sio꞉ a꞉no꞉ hendele ilili alifa꞉. To a꞉no꞉ we,
18“Lama amisa꞉n a꞉namio꞉
nofolakiyo꞉ sae ya꞉labiki dabu.
Lesola꞉ inso꞉wo꞉ tambo yasala꞉ ko꞉lo꞉,
emo꞉lo꞉ ha꞉nolo sa꞉lab a꞉no꞉ mo꞉da꞉daki, ya꞉lifo꞉ko꞉ elen.”
Yosa꞉b e so꞉lo꞉wo꞉ a꞉ma꞉la꞉ mio꞉
19Ha꞉lod e sowa꞉sa꞉ga꞉ dowabikiyo꞉, Yosa꞉b e Isib a꞉na sen amio꞉ e ofolaki, Alana꞉ ene ma꞉mul kaluwo꞉ elo꞉wa fa꞉la꞉dowakiyo꞉ a꞉la꞉sio꞉, “So꞉walo꞉ sana soma꞉no꞉ togdo꞉ keda꞉len kalu i a꞉no꞉ sowo꞉ ko꞉lo꞉, ge dasilia꞉ga꞉, so꞉wa we o꞉lia꞉ ano o꞉lia꞉yo꞉ tililia꞉ga꞉, Isolael hen a꞉na a꞉ma꞉la꞉ hamana.” 21A꞉la꞉sa꞉labiki da꞉da꞉sa꞉ga꞉yo꞉, eyo꞉ so꞉wa o꞉lia꞉ ano o꞉lia꞉yo꞉ tililia꞉ga꞉, Isolael hen a꞉na a꞉ma꞉la꞉ ane. 22Ko꞉sega Ha꞉loda꞉ ene so꞉wa Akelaus a꞉no꞉ iyaya꞉ heno꞉ ene diaki, Yudia hen a꞉ma꞉ misa꞉ kalu dowo꞉ka꞉ a꞉la꞉bo꞉ Yosa꞉b e da꞉da꞉sa꞉ga꞉yo꞉, e a꞉na ha꞉na꞉no꞉wo꞉ tagi dowo꞉. A꞉la꞉ta꞉ga꞉ e ofolakiyo꞉, Gode eyo꞉ e a꞉namio꞉ ha꞉na꞉so꞉boka꞉ a꞉la꞉liki hagugu sio꞉ ko꞉lo꞉, iyo꞉ Ga꞉lili hen a꞉na ane. 23A꞉na ha꞉na꞉ga꞉yo꞉, iyo꞉ Nasala꞉t amisa꞉n a꞉na mesa꞉ni ane. Tamin amio꞉ Godeya꞉ tolo꞉ dinali sa꞉lan kalu iliyo꞉ towo꞉ a꞉la꞉sio꞉, “E Nasala꞉t kalu a꞉la꞉sa꞉ma꞉ib.” A꞉la꞉fo꞉ko꞉lo꞉ iyo꞉ Nasala꞉tdo꞉ mesa꞉ni ane a꞉na ilikiyo꞉, to sio꞉ a꞉no꞉ a꞉na ilili alifa꞉.

Did you know?
Magi, Herod, and Nazareth
- The King Herod of this chapter is Herod the Great. His son Archelaus, by Malthace, a Samaritan woman, inherited a third of the kingdom: Idumea, Judea, and Samaria. Until a few days before Herod's death another son, Antipas, had been named successor, but in his last moments Herod named Archelaus; for fear of him, Joseph turned aside from Judea and withdrew to Galilee.Sources: Archelaus · the Bible text itself
- Matthew links the deaths of the boys in Bethlehem to words spoken through the prophet Jeremiah: a voice in Ramah, Rachel weeping for her children. Rachel, one of Jacob's wives, died giving birth to Benjamin and was buried by the wayside on the road to Ephrath, that is Bethlehem, directly north of the town. Her sepulchre is regarded with great veneration by the Jews.Sources: the Bible text itself · Rachel · Bethlehem
- Bethlehem, in the hill country of Judah, was earlier called Ephrath and was also known as the city of David; under the Romans it lay in Judea, the southernmost of the three divisions of Palestine. Joseph and Mary went instead to Nazareth in Galilee, their home, a town not mentioned in the Old Testament. The name Nazareth is generally supposed to come from the Hebrew netser, a shoot or sprout, though some connect it with a word for guarding or watching.Sources: Bethlehem · Judea · Nazareth · the Bible text itself
Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.
Places in this chapter
- Bethlehem · 31.704, 35.208 · verses 1, 5, 6, 8, 9, 16
- East · Today: region around Amman · 31.955, 35.934 · verses 1, 2, 9
- Jerusalem · 31.777, 35.234 · verses 1, 3
- Judea · Today: Judea 1 · 31.777, 35.234 · verses 1, 5, 22
- Egypt · 30.129, 31.308 · verses 13, 14, 15, 19
- Galilee · 32.760, 35.527 · verse 22
- Nazareth · 32.702, 35.298 · verse 23
Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).
Credits and license for this translation
Godeya꞉ To Nafayo꞉ We The New Testament, Genesis, and Ruth in the Kaluli language of Papua New Guinea Sampela hap Buk Baibel long tokples Kaluli long Niugini copyright © 1998-2022 Wycliffe Bible Translators, Inc. Language: Kaluli Translation by: Wycliffe Bible Translators This translation is made available to you under the terms of the Creative Commons Attribution-Noncommercial-No Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2025-03-12
Source: http://png.bible/bco/ · eBible.org