Nations Bible

Exodus 34

Angkentye Mwerre · Tap a verse to see its cross-references.

1YAHWEH Moses-eke angkeke, “Apwerte athirnte arrpenhe atherre arrpaye nhenge The ngenhe arrwekele ileke-arteke, apwerte athirnte arrpenhe yanhe atherre-arteke nhenge unte kwene-akerle iweke-arle ultakemele. The atywerrenge Atyinhe apwerte nhenhe ikwere atherreke-arleke arrernetyenhenge. 2Ingwenthe ingweleme apwerte athirnte arrpenhe atherre akngetyaye, Atyenge-werne apetyaye apwerte akngerre Sinai-werne, Ayenge ngkwenge angketyenhenge. 3Tyerrtye arrpenhe ngkwengenge akngetyetyale, arrangkwe-arle. Tyerrtye areye ayakaye apwerte nhenhe ikwere itwe-werne apetyeme-ketye, yepe-yepe-arlke, pweleke-arlke ayakaye, name atherrke arlkweme-ketye apwerte akngerre atnartengele lyaperlenge-arle.” 4Kenhe Moses-ele apwerte athirnte atherrame ineke arratye, renhe-atherrenhe arrpemele alyere-alyere-iletyeke. Arlte arrpenhele re apwerte akngerre Sinai akertne-werne antyeke apwerte yanhe atherre-akerte. Alakenhe renhe YAHWEH-ele renhe arrekwele ileke mpwaretyeke. 5YAHWEH anteme apwerte akngerre Sinai-werne apetyeke angkulye kwenenge. Re apetyemele Moses itwele tnetye-alheke angkemele, “Ayenge-arle YAHWEH.” 6Re Moses-enge arrwekele anpere alheke ikwere angkemele, “Ayenge kwenhe YAHWEH Ngkarte. The kwenhe tyerrtye areye akwetethe mwantye-mwantye-ilerle-aneme, itneke mwerre anemele. Nhenge itne akurne anerlenge Atyenge-ketye, Ayenge itneke iparrpe ahele-irretyakenhele, arrangkwe-arle. Ayenge itneke ahentye akwete aneme. Nhenge The arne iwenheke apeke alhilemele, The renhe anthemele renhe inirtnetyakenhe awethe. Ayenge kwenhe itneke akwetethe arratye angkeme. 7Arratye anthurre yanhe. Ayenge kwenhe tyerrtye atningke anthurreke mwerre aneme. Nhenge itne akurnentye anerlenge Atyenge-ketye, ikwere iperrele anteme itne Atyenge-werne utepe-irrirtneme, The itnenhe yernetyakenhele, arrangkwe-arle. The akurne itnekenge urrpareme arriletyakenhele. Kenhe itne apeke arne akurne akwete mpwarerlte-anerlenge, Atyenge-werne utepe-irrirtnetyakenhele, The itnenhe arratye anthurre anteme arriletyenhe. The itnenhe ware arriletyakenhe anetyenhe apeke, The ampe itnekenhe-arlke, ampe itnekenhe areye-arlke akenhe akwete arriletyenhe, alakenhe renhe The akwetethe mpwarerle-anetyenhe.” 8Kele Moses iparrpe anthurre ahelhe-werne kwene-irreke YAHWEH tnakemele. 9Moses Ikwere angkeke, “YAHWEH, the kwenhe tyerrtye nhenhe areye itelareme, anwerne kwenhe akaperte apwerte-arteke aneme, mwernte akwete aneme. The itelareme anwerne akurne aneme akurnentye anerlte-anemele. Unte apeke atyenge akangkentye akwete aneme, anwernenge irlkwatherre apetyaye nthenhe-werne re apeke anwerne alherlte-iwerlenge. Anwernenhe atnyenaye anwerne tyerrtye aharle Ngkwinhe anetyeke.” 29Nhenge Moses apwerte akngerre Sinai-ngentyele apetyalpemele, Re apwerte athirnte atherre iltyele atnyenetyamele. Inngerre ikwerenhe pwarrtyeme rarle YAHWEH-eke angketyamenge apwerte akngerre ikwerenge. Kenhe re akenhe akutne aneke alakenhe ikwere. 30Nhenge Aaron uthene Israel-arenye areye uthenele areke inngerre Moses-kenhe pwarrtyerlenge itne ikwere-werne itweke-irretyakenhe aneke itne-arle ikwere-ketye atere-irrekenge. 31Moses anteme itneke arlkeke, “Atyenge-ketye atere-irretyalaye, itwe-werne apetyaye!” Aaron uthene akngerrepate arrpenhe areye uthene ikwere-werne apetyewarreke, Moses anteme itneke angkeke. 32Kele imerte tyerrtye areye anteme Moses-werne itwe apetyewarreke, re itneke atywerrenge ileke YAHWEH-elarle ikwere ilekeke apwerte akngerre Sinai akertnenge. 33Nhenge Moses tyerrtye areyeke angkeke-iperre, re inngerre ikwerenhe manterele artelhemele. 34Nhenge Moses Ilthe Ameke-ameke kweneke irrpemele YAHWEH-eke angketyeke, re mantere akweke renhe inngerre ikwerenhe-ngentyele irlwetyarte. Nhenge re Ilthe ikwerenge arratemele alhetyarte, Re tyerrtye areyeke arne ingkirreke anthurre iletyarte YAHWEH angketyartenge. 35Tyerrtye areyele inngerre ikwerenhe pwarrtyerlenge aretyarte. Alakenhe ikwerenge anteme Re inngerre ikwerenhe manterele artelhetyarte, nhenge rarle YAHWEH-eke angkeke iperre.

Did you know?

Renewal of the Covenant and the Radiant Face of Moses

  • After the first set of stone tablets was broken, Moses chiseled two new tablets and ascended Mount Sinai alone, remaining there for forty days and forty nights without food or water while the covenant was renewed.Sources: the Bible text itself
  • When God descended in a cloud on Mount Sinai, he proclaimed his name and core attributes to Moses, describing himself as compassionate, gracious, slow to anger, and abounding in steadfast love and faithfulness.Sources: the Bible text itself
  • Upon descending the mountain, Moses did not realize that the skin of his face was shining from speaking with God. Because Aaron and the Israelites were afraid to approach him, Moses began wearing a veil over his face, removing it only when speaking directly with God.Sources: the Bible text itself

Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.

Places in this chapter

  • Egypt · 30.129, 31.308 · verse 18

Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).

Credits and license for this translation
Angkentye Mwerre
Portions of the Holy Bible in the Central and Eastern Arrente language of Australia
copyright © 2002-2014 Wycliffe Bible Translators
Language: Eastern Arrente (Arrernte, Eastern)
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2019-05-14

Source: http://ebible.org/aer/ · eBible.org

Talk to us

Tell us where you read from, how the Bible has helped you, or what we could improve. We read every message.