Nations Bible

Matthew 5

العهد الجديد بالدارجة التونسية 2022 · Tap a verse to see its cross-references.

الوَعْظَة عَالجْبَلْ

1وكِي شَافْ يَسُوعْ النَّاسْ طْلَعْ لِلجْبَلْ، ودُوبْ مَا قْعَدْ، قُرْبُولُو تْلَامِذْتُو، 2وبْدَا يْعَلِّمْ فِيهُمْ، وقَالْ:

3«صَحَّة لِيهُمْ الِّي يِعْتَرْفُوا بْضُعْفْهُمْ الرُّوحِي!

عْلَى خَاطِرْ مَمْلَكْةْ السْمَاوَاتْ لِيهُمْ.

4صَحَّة لِيهُمْ الحْزَانَى،

خَاطِرْهُمْ بِشْ يِتْعَزَّاوْ.

5صَحَّة لِيهُمْ المُسَالْمِينْ!

خَاطِرْهُمْ بِشْ يُورْثُوا الأَرْضْ.

6صَحَّة لِيهُمْ الجْوَاعَى والعُطْشَانِينْ لِلصَّلَاحْ!

رَاهُمْ بِشْ يِشْبْعُوا.

7صَحَّة لِيهُمْ الِّي يَرْحْمُوا!

خَاطِرْهُمْ بِشْ يِتْرَحْمُوا.

8صَحَّة لِيهُمْ الِّي قْلُوبْهُمْ صَافْيَة!

عْلَى خَاطِرْهُمْ بِشْ يْشُوفُوا اللَّهْ.

9صَحَّة لِيهُمْ الِّي يَعْمْلُوا السَّلَامْ!

عْلَى خَاطِرْهُمْ بِشْ يِتْسَمَّاوْ وْلَادْ اللَّهْ.

10صَحَّة لِيهُمْ الِّي يِضْطَهْدُوهُمْ بِسْبَبْ الصَّلَاحْ!

عْلَى خَاطِرْ مَمْلَكْةْ السْمَاوَاتْ لِيهُمْ.

11«صَحَّة لِيكُمْ كَانْ عْلَى خَاطْرِي عَايْرُوكُمْ واضْطَهْدُوكُمْ وقَالُوا عْلِيكُمْ كْلَامْ خَايِبْ بِالكِذْبْ! 12إِفْرْحُوا وازْهَاوْ، عْلَى خَاطِرْ أَجْرْكُمْ عْظِيمْ فِي السْمَاء. رَاهُمْ هَكَّا اضْطَهْدُوا الأَنْبِيَاءْ قْبَلْكُمْ.

إِنْتُومَا مِلْحْ الأَرْضْ

13«إِنْتُومَا مِلْحْ الأَرْضْ. وإِذَا كَانْ المِلْحْ ضَيَّعْ مْلُوحِيتُو، بَاشْ بِشْ يِرْجَعْلُو طَعْمُو؟ رَاهُو مَا عَادْ يُصْلُحْ لْحَتَّى شَيْ، كَانْ بَاشْ يِتْرْمَى لْبَرَّا والنَّاسْ يْعَفْسُوا عْلِيهْ. 14إِنْتُومَا النُّورْ الِّي فِي الدِّنْيَا هَاذِي. مَا فَمَّاشْ مْدِينَة مِبْنِيَّة فُوقْ جْبَلْ ومَا تِتْشَافِشْ، 15ومَا فَمَّاشْ وَاحِدْ يْشَعِّلْ فْنَارْ ويْغُمُّو بْطَاسَة، آمَا يْحُطُّو فِي بْلَاصَة عَالْيَة بَاشْ يِضْوِي عَالمَوْجُودِينْ فِي الدَّارْ الكُلْ. 16وإِنْتُومَا زَادَا خَلِّيوْ نُورْكُمْ يِضْوِي قُدَّامْ النَّاسْ، بَاشْ يْشُوفُوا أَعْمَالْكُمْ الصَّالْحَة، ويْمَجْدُوا بُوكُمْ الِّي فِي السْمَاء.

يَسُوعْ وشَرِيعِةْ مُوسَى

17«مَا تْحُطُّوشْ فِي بَالْكُمْ الِّي آنَا جِيتْ بَاشْ نْرُدْ الشَّرِيعَة وكْتُبْ الأَنْبِيَاءْ بَاطْلِينْ، آنَا مَا جِيتِشْ بَاشْ نْرُدْهُمْ بَاطْلِينْ آمَا بَاشْ نْكَمَّلْهُمْ. 18نْقُلْكُمْ الحَقْ: مَادَامْ السْمَاء والأَرْضْ مَوْجُودِينْ، مَا يِتْنَحَّى حَتَّى حَرْفْ ولَا حَتَّى نُقْطَة وَحْدَة مِالشَّرِيعَة حَتَّى لِينْ يِكْمِلْ كُلْ شَيْ. 19الِّي يْخَالِفْ أَصْغِرْ وَحْدَة مِالوْصَايَا هَاذُمْ ويْعَلِّمْ النَّاسْ بَاشْ يَعْمْلُوا كِيفُو، يْكُونْ عَنْدُو أَقَلْ مْقَامْ فِي مَمْلَكْةْ السْمَاوَاتْ. آمَا الِّي يْطِيعْهُمْ ويْعَلِّمْهُمْ، يْكُونْ عَنْدُو مْقَامْ عَالِي فِي مَمْلَكْةْ السْمَاوَاتْ. 20وآنَا نْقُولِلْكُمْ، إِذَا كَانْ صَلَاحْكُمْ مَا يْفُوتِشْ صَلَاحْ عُلَمَاءْ الشَّرِيعَة والفِرِّيسِيِّينْ، رَاهُو عْمُرْكُمْ مَا بِشْ تُدْخْلُوا لْمَمْلَكْةْ السْمَاوَاتْ.

الغُشْ

21«سْمَعْتُوا إِنُّو تْقَالْ لِجْدُودْكُمْ: "مَا تَعْمِلْشْ جْرِيمِةْ قَتْلْ، ولِّي يُقْتُلْ يِلْزْمُو يِتْحَاكِمْ". 22آمَا آنَا نْقُولِلْكُمْ: الِّي يِتْغَشِّشْ عْلَى خُوهْ يِلْزْمُو يِتْحَاكِمْ، ولِّي يْقُولْ لْخُوهْ "يَا تَافَهْ"، يِتْعَدَّى عَالمَجْلِسْ الأَعْلَى، ولِّي يْقُلُّو "يَا بْهِيمْ"، يِسْتَاهِلْ نَارْ جْهَنِّمْ. 23مَالَا كِي تَبْدَى جَايِبْ قُرْبَانِكْ لِلْمَذْبَحْ وتْذَكَّرْتْ وَقْتْهَا الِّي خُوكْ عَنْدُو حَاجَة ضِدِّكْ، 24خَلِّي قُرْبَانِكْ قُدَّامْ المَذْبَحْ، وإِمْشِي اتْصَالَحْ مْعَ خُوكْ قْبَلْ، ومْبَعِّدْ إِيجَا أَعْطِي قُرْبَانِكْ. 25حَاوِلْ فِيسَعْ تْرَاضِي وَاحِدْ عَنْدُو مُشْكْلَة مْعَاكْ مَادَامْكُمْ فِي طْرِيقْكُمْ لِلْمَحْكْمَة، بَاشْ مَا يْهِزِّكْشْ لِلْقَاضِي والقَاضِي يْسَلْمِكْ لِلْحَاكِمْ، وتِتِّرْمَى فِي الحَبْسْ. 26نْقُلِّكْ الحَقْ: مَاكِشْ بِشْ تُخْرُجْ مِنْ غَادِي حَتَّى لِينْ تْخَلِّصْ آخِرْ فْرَنْكْ.

الزْنَى

27«سْمَعْتُوا إِنُّو تْقَالْ: "مَا تَزْنَاشْ". 28آمَا آنَا نْقُولِلْكُمْ: الِّي يُخْزُرْ لِمْرَا بْشَهْوَة، رَاهُو زْنَى بِيهَا فِي قَلْبُو. 29إِذَا كَانْ عِينِكْ اليْمِينْ تْخَلِّيكْ تُغْلُطْ، قَلَّعْهَا وإِرْمِيهَا، تَخْسِرْ قَطْعَة مِنْ بَدْنِكْ خِيرْ مِلِّي بَدْنِكْ الكُلْ يِتْرْمَى فِي جْهَنِّمْ. 30وإِذَا كَانْ يِدِّكْ اليْمِينْ تْخَلِّيكْ تُغْلُطْ، قُصْهَا وإِرْمِيهَا، تَخْسِرْ قَطْعَة مِنْ بَدْنِكْ خِيرْ مِلِّي بَدْنِكْ الكُلْ يِتْرْمَى فِي جْهَنِّمْ.

الطْلَاقْ

31«وتْقَالْ زَادَا: "الِّي يْطَلَّقْ مَرْتُو، لَازِمْ يَعْطِيهَا وَرْقِةْ الطْلَاقْ". 32آمَا آنَا نْقُولِلْكُمْ: الِّي يْطَلَّقْ مَرْتُو بْأَيْ سْبَبْ بِخْلَافْ الزْنَى، رَاهُو يْخَلِّيهَا عُرْضَة لِلزْنَى، ولِّي يْعَرِّسْ بِمْرَا مْطَلْقَة هُوَّ قَاعِدْ يَزْنَى.

الحِلْفَانْ

33«وسْمَعْتُوا زَادَا إِنُّو تْقَالْ لِجْدُودْكُمْ: "مَا تِحْلِفْشْ وتِخْلِفْ، آمَا كَانْ وعِدْتْ الرَّبْ بْحَاجَة أُصْدُقْ فِيهَا". 34آمَا آنَا نْقُولِلْكُمْ: مَا تِحْلْفُوشْ بِالكُلْ، لَا بِالسْمَاء عْلَى خَاطِرْهَا عَرْشْ اللَّهْ، 35ولَا بِالأَرْضْ خَاطِرْهَا مَسْنِدْ سَاقِيهْ، ولَا بْأُورْشَلِيمْ خَاطِرْهَا مْدِينِةْ المَلِكْ العْظِيمْ. 36ومَا تِحْلِفْشْ بْرَاسِكْ، عْلَى خَاطِرْ مَا تْنَجَّمْشْ تْرُدْ حَتَّى شَعْرَة فِيهْ بِيضَة وَلَّا كَحْلَة. 37قُولُوا إِيْ إِذَا كَانْ تُقْصْدُوا إِيْ، ولَا كَانْ تُقْصْدُوا لَا، وكُلْ حَاجَة زَايْدَة عْلَى هَاذَا رَاهِي مِالشِّرِّيرْ.

مَا تْرُدُّوشْ عَالشَّرْ بِالشَّرْ

38«سْمَعْتُوا إِنُّو تْقَالْ: "العِينْ بِالعِينْ والسِّنَّة بِالسِّنَّة". 39آمَا آنَا نْقُولِلْكُمْ: مَا تْرُدُّوشْ عَالشَّرْ بِالشَّرْ. آمَا كَانْ وَاحِدْ ضَرْبِكْ عْلَى خَدِّكْ اليْمِينْ دَوَّرْلُو خَدِّكْ الآخِرْ زَادَا. 40ولِّي يْحِبْ يِشْكِي بِيكْ بَاشْ يَاخُذْلِكْ جِبْتِكْ، كَمِّلْ خَلِّيلُو بَرْنُوسِكْ زَادَا. 41ولِّي يْخَلِّيكْ تِمْشِي مْعَاهْ كِيلُومَاتِرْ بِالسِّيفْ عْلِيكْ، إِمْشِي مْعَاهْ زُوزْ. 42الِّي يُطْلُبْ مِنْ عَنْدِكْ حَاجَة أَعْطِيهَالُو، ولِّي يْحِبْ يِتْسَلَّفْ مِنْ عَنْدِكْ مَا تْرُدُّوشْ.

حِبُّوا أَعْدَائْكُمْ

43«سْمَعْتُوا إِنُّو تْقَالْ: "حِبْ قْرِيبِكْ وإِكْرَهْ عْدُوكْ". 44آمَا آنَا نْقُولِلْكُمْ: حِبُّوا أَعْدَائْكُمْ وبَارْكُوا الِّي يِلْعْنُوكُمْ وأَعْمْلُوا الخِيرْ لِلِّي يِكْرْهُوكُمْ وصَلِّيوْ لِلِّي يِضْطَهْدُوكُمْ، 45وهَكَّا تْكُونُوا وْلَادْ بُوكُمْ الِّي فِي السْمَاء. عْلَى خَاطْرُو يْضَوِّي بْشَمْسُو عَالبَاهِينْ والخَايْبِينْ، ويَعْطِي المْطَرْ لِلصَّالْحِينْ والطَّالْحِينْ. 46شْنُوَّة أَجْرْكُمْ وَقْتِلِّي مَا تْحِبُّوا كَانْ الِّي يْحِبُّوكُمْ؟ يَاخِي مُشْ المَكَّاسَة يَعْمْلُوا نَفْسْ الشَّيْ؟ 47ووَقْتِلِّي مَا تْسَلْمُوا كَانْ عْلَى خْوَاتْكُمْ، شْنِيَّة الحَاجَة الزَّايْدَة الِّي عْمَلْتُوهَا؟ يَاخِي مُشْ هَكَّا زَادَا يَعْمْلُوا الِّي مَاهُمْشْ يْهُودْ؟ 48مَالَا كُونُوا كَامْلِينْ، كِيمَا بُوكُمْ الِّي فِي السْمَاء كَامِلْ.

Artistic illustration — an interpretation, not a historical record.

Did you know?

The Sermon on the Mount

  • When Jesus saw the crowds, he went up on the mountain, sat down, and began to teach his disciples. That discourse is known as the Sermon on the Mount. A chronological note places its start in AD 28 and gives it a duration of one day.Sources: the Bible text itself · Sermon on the Mount
  • Teaching about oaths, Jesus says not to swear by Jerusalem, for it is the city of the great King. In the original the name is a dual form meaning possession of peace, or foundation of peace. That form probably refers to the two mountains on which the city was built, Zion and Moriah, or, as some suppose, to the upper and the lower city; it was also called the city of God and the holy city.Sources: the Bible text itself · Jerusalem

Notes written with AI assistance from open sources (Theographic Bible Metadata, CC BY-SA 4.0; Easton’s Bible Dictionary, public domain) and reviewed before publishing.

Places in this chapter

  • Jerusalem · 31.777, 35.234 · verse 35

Only places identified with high confidence are shown (90% or more according to the scholarly sources compiled by OpenBible). Period map: DARE (Digital Atlas of the Roman Empire), CC BY 4.0; modern map: © OpenStreetMap contributors; places: OpenBible.info (CC BY 4.0).

Credits and license for this translation
العهد الجديد بالدارجة التونسية 2022
Arabic, Tunisian Spoken: العهد الجديد بالعربية التونسية (New Testament)
copyright © 2020 Wycliffe Bible Translators, Inc.
Language: العهد الجديد بالدارجة التونسية 2022
Contributor: Wycliffe Bible Translators, Inc.
Text copyright © United Bible Societies, 2011, 2018, 2022.
The Tunisian Arabic New Testament by United Bible Societies is licensed under a Creative Commons Attribution-NonCommercial-NoDerivatives 4.0 International License .
If you need permissions not granted by this license, contact United Bible Societies .
This translation is made available to you under the terms of the
Creative Commons Attribution-Noncommercial-No Derivatives license 4.0.
You may share and redistribute this Bible translation or extracts from it in any format, provided that:
You include the above copyright and source information.
You do not sell this work for a profit.
You do not change any of the words or punctuation of the Scriptures.
Pictures included with Scriptures and other documents on this site are licensed just for use with those Scriptures and documents.
For other uses, please contact the respective copyright owners.
2025-04-26

Source: http://ebible.org/aeb/ · eBible.org

Talk to us

Tell us where you read from, how the Bible has helped you, or what we could improve. We read every message.